08:26, 10 - قىركۇيەك 2018 | GMT +5
الەمدەگى ەڭ كوپ ۇشقىش ايەلدەر قاي مەملەكەتتە تۇرادى
استانا. قازاقپارات - حالىقارالىق اۆياتسيالىق ۇشقىشتار قاۋىمداستىعىنىڭ دەرەكتەرىنە سايكەس، ءۇندىستان ۇشقىش ايەلدەر سانى بويىنشا الەمدە ءبىرىنشى مەملەكەت بولىپ تانىلدى. بۇل تۋرالى قازاقپارات The Telegraph سايتىنا سىلتەمە جاساپ حابارلايدى.
اگەنتتىك حابارلاۋىنشا، دۇنيەجۇزى بويىنشا ۇشقىشتاردىڭ شامامەن 5 پايىزىن ايەلدەر قاۋىمى قۇرايدى. اتالعان كورسەتكىشتى ەلدەرگە ءبولىپ قاراستىرعاندا، ءۇندىستاندا ۇشقىش ايەلدەر سانى 13 پايىزعا جۋىقتايدى. بۇل باتىستىڭ ءبىرقاتار ەلدەرىنەن ەكى- ءۇش ەسەگە جوعارى. ماسەلەن، ۇلى بريتانيادا اۆياتسيا سالاسىنداعى نازىك جاندار سانى - % 4,77 بولسا، ا ق ش- تا % 4,36.
ايتا كەتەيىك، ءۇندىستان - اۆياتسيالىق نارىعى جىلدام دامىپ كەلە جاتقان مەملەكەت. ەلدە ۇنەمى ۇشقىشتاردىڭ جەتىسپەۋشىلىگى بايقالىپ تۇرادى.
