07:23, 10 - قىركۇيەك 2018 | GMT +5
زاعيپ جاندار ۆەلوسيپەدپەن استانادان پاريجگە جەتتى
استانا. قازاقپارات - قازاقستاننان شىققان زاعيپ جانە كوزى ناشار كورەتىن ۆەلوسيپەدشىلەر توبى پاريجگە جەتتى، دەپ حابارلايدى قازاقپارات ءتىلشىسى.
ۆەلوسيپەدشىلەر توبى ساپارعا تامىز ايىنىڭ باسىندا اتتانعان بولاتىن. كوماندا ۆەلوسيپەدشى، پيلوت- ۆولونتەر - جالپى 4 تاندەمنەن قۇرالعان. كاپيتان باحتيار بازاربەكوۆتىڭ باسشىلىعىمەن توپ 5 مىڭ كيلومەترگە جۋىق جولدى ەڭسەردى. ولار كۇنىنە 200 كيلومەتر ءجۇرىپ وتىردى.
BLIND RACE ASTANA- PARIS قۇرلىقارالىق ۆەلومارافونى اياسىندا قاتىسۋشىلار قازاقستان، رەسەي، بەلارۋس، پولشا، گەرمانيا، فرانسيا، بارلىعى 30 قالانىڭ اۋماعىمەن ءجۇرىپ ءوتتى.
كوماندا ساياحات كۇندەلىگىن فەيسبۋكتەگى پاراقشادا جاريالاپ وتىردى.
حالىقارالىق جوبا «رۋحاني جاڭعىرۋ» باعدارلاماسى اياسىندا، «اناشىم» كوزى كورمەيتىن مۇگەدەك بالالار مەن جاستارعا كومەك كورسەتۋ قورىنىڭ قولداۋىمەن جۇزەگە استى.
