13:09, 09 - قىركۇيەك 2018 | GMT +5
گولوۆكين - سوندەرس ىقتيمال جەكپە-جەگىنىڭ باستى شارتى اتالدى
استانا. قازاقپارات - بريتانيالىق بوكسشى بيللي دجو سوندەرستىڭ پروموۋتەرى فرەنك ۋوررەن ءوز قامقورلىعىنداعى بوكسشىنىڭ قازاقستاندىق گەننادي گولوۆكينمەن ءوتۋى مۇمكىن ايقاس تۋرالى تاعى دا ايتتى، دەپ حابارلايدى Sports.kz.
«كانەلونى» قاشان بولسا دا، ءتىپتى ول گولوۆكيندى جەڭگەن جاعدايدا دا سوندەرسپەن جۇدىرىقتاسۋى مۇمكىن دەپ ويلامايمىن. ال GGG، مەنىڭشە، وسى جەكپە-جەككە كەلىسەدى. ويتكەنى وندا ناعىز جاۋىنگەردىڭ مەنتاليتەتى بار. ول بۇكىل كارەراسىندا وسىنى دالەلدەپ كەلەدى. ەگەر سوندەرس اندرادەنى جەڭسە، الەمنىڭ ۇزدىكتەرىنىڭ بىرىمەن جەكپە-جەك وتكىزۋ مۇمكىندىگىن قامتاماسىز ەتەدى»، - دەدى ۋوررەن Daily Star- عا بەرگەن سۇحباتىندا.
ەسكە سالا كەتەيىك، گولوۆكين مەن ساۋل الۆارەستىڭ كوپتەن كۇتكەن جەكپە-جەگى 15- قىركۇيەك كۇنى وتەدى. سوندەرس امەريكالىق دەمەتريۋس اندرادەمەن 20- قازاندا كەزدەسەدى.
