كليەنتكە تالاسقان ديقاندار: تۇركىستان وبلىسىندا ءبىر ادام مەرت بولدى

استانا. قازاقپارات - تۇركىستان وبلىسىنىڭ شاردارا اۋدانىندا پوليتسەيلەر ادام ءولتىردى دەگەن ەكى كۇدىكتىنى ۇستادى، دەپ حابارلايدى قازاقپارات تۇركىستان وبلىستىق ىشكى ىستەر دەپارتامەنتىنە سىلتەمە جاساپ.

«2018-جىلعى 7- قىركۇيەكتە شاردارا ا ءى ءى ب كەزەكشى بولىمىنە اۋدانداعى ەلدى مەكەندەردىڭ ءبىرىنىڭ ماڭىندا بولعان توبەلەس تۋرالى حابار كەلىپ ءتۇستى. وقيعا ورنىنا شۇعىل جەتكەن پوليتسەيلەر كليەنتكە تالاسىپ قالعان ديقاندار توبەلەسكەنىن انىقتادى.

توبەلەس كەزىندە قارۋ قولدانىلعان. سونىڭ سالدارىنان زارداپ شەككەندەردىڭ ءبىرى وقيعا ورنىندا قازا تاپقان، ال ەكەۋى ءتۇرلى جاراقاتتارمەن اۋرۋحاناعا جەتكىزىلدى.

وسى دەرەك ق ر قىلمىستىق كودەكسىنىڭ «ادام ءولتىرۋ» بابىمەن سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە تىركەلدى»، - دەلىنگەن حابارلامادا.

جەدەل ارەكەتتەر ناتيجەسىندە پوليتسەيلەر ەكى كۇدىكتىنى ۇستادى. ولار - تۇركىستان وبلىسىنىڭ تۇرعىندارى. كۇدىكتىلەردىڭ بىرىنەن اڭشى مىلتىعى تاركىلەندى.

وسى دەرەك بويىنشا، تۇركىستان وبلىستىق ىشكى ىستەر دەپارتامەنتىنىڭ تەرگەۋ باسقارماسى سوتقا دەيىنگى تەرگەپ-تەكسەرۋ جۇرگىزىپ جاتىر. وقيعانىڭ ەگجەي-تەگجەيى انىقتالۋدا.