ءبىزدىڭ عالىمداردان فەرمەرلەر ارتىق بىلەدى - ءومىرزاق شوكەيەۆ
«ەلباسى جولداۋىنداعى تاپسىرماعا سايكەس، ءبىز بەس جىلدىڭ ىشىندە ەڭبەك ونىمدىلىگى مەن ەكسپورت كولەمىن 2,5 ەسەگە ارتتىرۋىمىز كەرەك. ونىڭ ىشىندە ەڭ ماڭىزدىسى - اگروونەركاسىپ كەشەنىن سيفرلاندىرۋعا كوشىرۋ. ول تۇرعىدا ءبىز جاڭا تەحنولوگيالاردى ەنگىزە وتىرىپ، دالمە- ءدال ەگىنشىلىككە كوشۋىمىز قاجەت»، - دەدى ق ر پرەمەر ءمينيسترىنىڭ ورىنباسارى، ق ر اۋىل شارۋاشىلىعى ءمينيسترى ءومىرزاق شوكەيەۆ.
اۋىل شارۋاشىلىعى ءمينيسترى ا و ك- ءتى سيفرلاندىرۋدا جاڭا تەحنولوگيالاردى قولدانۋىمەن قاتار، كادرلىق قۇرام تۋرالى دا ءسوز ەتتى.
«الماتى وبلىسى قاسكەلەڭدەگى اگرارلىق بازانىڭ جۇمىس ناتيجەسىن كورىپ، بىزدە عىلىمنىڭ بار ەكەنىنە كوزىمىز جەتتى، دەگەنمەن ول جەردە پروبلەما دا جوق ەمەس. مىسالى، اتالعان عىلىمي بازادا ناقتى جۇمىس ىستەيتىن 50 عالىم بار، قالعان 200 ادامنىڭ نەمەن اينالىساتىنى تۇسىنىكسىز. سوندىقتان، ءبىز قازىر عىلىمي ينستيتۋتتارداعى شتات ماسەلەسىن قايتا قارايمىز. ياعني، ناقتى جۇمىس ناتيجەسىن كورسەتكەن عالىمدار، ونىڭ وزىندە ءىس جۇزىندە ولارعا جاعداي جاسالادى. ال جاي قاعاز جازۋمەن اينالىساتىن عالىمدار قىسقارتىلادى. بۇل - ءادىل ءارى دۇرىس شەشىم»، - دەدى ءو. شوكەيەۆ.
شوكەيەۆ، سونىمەن قاتار، جوو- عا قاتىستى رەفورمالار دا جۇرگىزىلەتىنىن ءسوز ەتتى.
«ءبىز ج و و - نىڭ سانىن ەمەس، ساپاسىن ارتتىرۋىمىز كەرەك. مىسالى، 10 مىڭ ستۋدەنت وقيتىن قازاق ۇلتتىق اگرارلىق ۋنيۆەرسيتەتىندە 1000 وقىتۋشى بار، سونىڭ كوپ بولىگى باسەكەگە قابىلەتتى ەمەس. سول سەبەپتى اكادەميالىق ستاندارتتى كۇشەيتەمىز. باسەكەگە قابىلەتتتى ەمەس ج و و وقىتۋشىلارى ەكستەنشن جۇيەسى بويىنشا پراكتيكالىق جۇمىستارمەن اينالىسادى. ال ستۋدەنتتەرگە كەلسەك، ولاردىڭ ۇزدىك دەگەن %10- نا حالىقارالىق ستاندارتقا ساي كەلەتىن ديپلوم بەرەمىز»، - دەدى ول.
سول سياقتى عىلىمي- زەرتتەۋ ينستيتۋتتارىندا دا جۇيەلەندىرۋ جۇمىستارى جۇرگىزىلەدى.
«بىزدە قازىر 20 عىلىمي- زەرتتەۋ ينستيتۋتى بار، سونى جۇيەلەندىرىپ، 12- ءسىن عانا قالدىرامىز. جانە ءاربىر ينستيتۋتتىڭ ءوز بازاسىندا پوليگونى بولۋى كەرەك. سونىڭ نەگىزىندە بازالىق شارۋاشىلىقتى دامىتۋىمىز قاجەت. عىلىمي- زەرتتەۋ ينستيتۋتتارى جۇمىستارىن قاعازبەن ەمەس، ءىس جۇزىندە كورسەتۋى ءتيىس. قازىر بىزدە عالىمداردان گورى فەرمەرلەر ارتىق بىلەدى. سوندىقتان، اۋىل شارۋاشىلىعىمەن اينالىساتىن عالىمدار ينستيتۋت ىشىندە وتىرماي، ەگىن القابىندا ءجۇرۋى كەرەك. ياعني، % 70- ى جاڭا تەحنولوگيالاردى ەنگىزۋمەن، قالعان 30 پايىزى ينستيتۋت عالىمدارىنىڭ ويلاپ تاپقان جاڭالىقتارىن ەنگىزۋمەن اينالىسۋى كەرەك»، - دەدى ءو. شوكەيەۆ.
ايتا كەتەيىك، بۇگىن اقمولا وبلىسى، شورتاندى اۋدانىنداعى ا. بارايەۆ اتىنداعى عىلىمي- وندىرىستىك ورتالىقتا «دالمە- ءدال ەگىنشىلىكتەگى يننوۆاتسيالىق تەحنولوگيالار» اتتى اۋىل شارۋاشىلىعى ماماندارىنىڭ كونفەرەنسياسى ءوتىپ جاتىر. كونفەرەنسيا جۇمىسىنا ق ر پرەمەر ءمينيسترىنىڭ ورىنباسارى، ق ر اۋىل شارۋاشىلىعى ءمينيسترى ءومىرزاق شوكەيەۆ پەن ق ر پرەمەر ءمينيسترىنىڭ ورىنباسارى اسقار جۇماعاليەۆ قاتىسۋدا.
اۆتور: داۋلەت ىزتىلەۋ
