20:48, 07 - قىركۇيەك 2018 | GMT +5
وسكەمەنگە گولليۆۋد جۇلدىزدارى كەلە جاتىر
استانا. قازاقپارات - وسكەمەندە گولليۆۋد جۇلدىزدارىنىڭ قاتىسۋىمەن حالىقارالىق كينوفەستيۆال وتەدى، دەپ حابارلايدى altaynews.kz سايتى.
ونىڭ ۇيىمداستىرۋشىسى ش ق و اكىمدىگى بولسا، فەستيۆال پرەزيدەنتى - ايماق باسشىسى دانيل احمەتوۆتىڭ ءوزى.
شارادا ءبىرىنشى بولىپ وتكەن قىستا گولليۆۋد جۇلدىزدارىنىڭ قاتىسۋىمەن تۇسىرىلگەن شىعىس قازاقستان جايلى ماتەريال كورسەتىلەدى. ونان سوڭ كوشپەندىلەر تۋرالى فيلمدەردى تاماشالايدى كوپشىلىك.
«وسكەمەندە بۇرىن- سوڭدى بولماعان اۋقىمدى شارا وتەيىن دەپ تۇر. فەستيۆالگە گولليۆۋد جۇلدىزدارى، قازاقستاندىق جانە رەسەيلىك تانىمال اكتەرلەر قاتىسادى» ، - دەيدى فەستيۆال ديرەكتورى ارمان اسەنوۆ پەن پروديۋسەر ەركەن يالگاشيەۆ.
شارا 18-20 - قىركۇيەك ارالىعىندا وتەدى.
