قىتاي قازاقستاندىق ارپا مەن جۇگەرى كاسىپورىندارىن تەكسەرمەك
ونىڭ ايتۋىنشا، قازىرگى ۋاقىتتا قازاقستاندا شىعارىلاتىن اۋىل شارۋاشىلىعى تاۋارلارى ونىمدەرىنىڭ كوپتەگەن ءتۇرىن قىتايدا ساتۋعا رۇقسات ەتىلگەن. ولاردىڭ قاتارىندا مۇزداتىلعان سيىر، قوي ەتى، وسىمدىك ونىمدەرى، كونديتەرلىك ونىمدەر، وڭدەۋ ونەركاسىبى ونىمدەرى بار.
«قازىرگى ۋاقىتتا قازاقستانعا قىتاي ينسپەكتسياسى كەلۋدە. ولار ارپا مەن جۇگەرى وندىرەتىن 18 كاسىپورىنعا تەكسەرۋ جۇرگىزەدى. سونىڭ ناتيجەسىندە جىلدىڭ سوڭىنا دەيىن اتالعان كاسىپورىندارعا قىتاي نارىعىنا شىعۋعا رۇقسات بەرىلەدى دەپ ويلايمىز. سونىمەن قاتار قىركۇيەك ايىنىڭ سوڭىندا ءىرى قارا مال سوياتىن ورىندارعا قايتادان تەكسەرۋ جۇرگىزىلەدى دەپ كۇتىپ وتىرمىز. سودان كەيىن تاعى دا بىرنەشە كاسىپورىن تاۋارلارىن قىتاي نارىعىنا شىعارۋعا مۇمكىندىك الادى»، - دەدى نۇرالى بوكەيحانوۆ.
ونىڭ ايتۋىنشا، وتكەن جىلدىڭ قورىتىندىسى بويىنشا قازاقستاننىڭ قىتايعا ەكسپورتى 5 ميلليارد 600 ميلليون دوللاردان اسىپ جىعىلعان. ال قىتايدان كەلەتىن يمپورت 4 ميلليارد 492 ميلليون دوللاردى قۇراعان.
اۆتور: مارلان جيەمباي
