گەرمانيا كونە التىن بەتپەردەنى پەرۋگە قايتاراتىن بولدى
سيكان مادەنيەتىنە ءتان ونەر تۋىندىسىن باۆاريا بيلىگى بەيسەنبى كۇنى بەرليندەگى پەرۋ ەلشىلىگىنە بەردى.
«سيكان بەتپەردەسى ماسەلەسىندەگى قامقورلىعى ءۇشىن گەرمانيا ۇكىمەتىنە ريزامىن. ءبىزدىڭ زامانىمىزعا دەيىن 1200 جىل بۇرىن جاسالعان بەتپەردە ءبىزدىڭ مادەني مۇرالارىمىزدىڭ ءبىرى»، - دەپ جازدى پەرۋ مادەنيەت ءمينيسترى پاتريسيا بالبۋەنا تۋيتتەردەگى پاراقشاسىندا.
پەرۋ سيكان بەتپەردەسىنىڭ جوعالعانى تۋرالى 1999 -جىلى مالىمدەگەن بولاتىن. سول جىلى قۇندى جادىگەردى ينتەرپول ۆيسبادەن قالاسىندا تاركىلەگەن. ميۋنحەن سوتى بەتپەردەنى پەرۋگە قايتارۋ تۋرالى 2016 -جىلدىڭ جەلتوقسانىندا شەشىم قابىلداعان.
سيكان مادەنيەتى ينكتەر مەملەكەتىنەن بۇرىن، VIII - XIV عاسىرلار ارالىعىندا قازىرگى پەرۋدىڭ سولتۇستىك جاعالاۋلارىندا ءومىر ءسۇردى.
مىستان، التىننان جاسالعان جەرلەۋ راسىمىنە ارنالعان بەتپەردەلەر سيكاندار قوعامىنىڭ بەدەلدى تۇلعالارىنىڭ قورىمدارىنان تابىلعان.
جەكەمەنشىك نەمىس كوللەكسياسىنان كولۋمبقا دەيىنگى 13 قۇندى مۇرانى قايتارۋعا قول جەتكىزگەن ەكۆادور سەكىلدى پەرۋ دە ءوز مادەني مۇراسىن قايتارۋعا كۇش سالدى.
