سەرىك قوناقبايەۆتى حالىقارالىق اۋەسقوي بوكس قاۋىمداستىعىنىڭ پرەزيدەنتى قىزمەتىنە ۇسىندى

استانا. قازاقپارات - قازاقستان بوكس فەدەراتسياسى AIBA پرەزيدەنتى لاۋازىمىنا سەرىك قوناقبايەۆتى ۇسىندى، دەپ حابارلايدى فەدەراتسيانىڭ باسپا ءسوز قىزمەتى.

«AIBA سايلاۋ تۋرالى ەرەجەگە سايكەس، ءبىز بارلىق ۇلتتىق فەدەراتسيالارعا ءوز ۇسىنىسىمىز تۋرالى حابارلادىق. ەندى ولاردان ءبىزدىڭ ۇمىتكەردى قولدايتىن حات كۇتىپ وتىرمىز. كەيىن ءبىز قۇجاتتاردى حالىقارالىق اۋەسقوي بوكس قاۋىمداستىعىنىڭ شتاب- پاتەرىنە جىبەرەمىز. قۇجاتتار تەكسەرىلگەننەن كەيىن ۇمىتكەرلەردىڭ ءتىزىمى AIBA سايتىندا جاريالانادى»، - دەپ حابارلادى قازاقستان بوكس فەدەراتسياسىنىڭ اتقارۋشى ديرەكتورى بەكجان بەكتەنوۆ.

 حالىقارالىق اۋەسقوي بوكس قاۋىمداستىعى (AIBA) اتقارۋ كوميتەتىنىڭ مۇشەلەرى مەن پرەزيدەنتىن سايلاۋ 2-3 - قاراشادا ماسكەۋدەگى كەزەكتى كونگرەستە وتەدى.

سەرىك قوناقبايەۆ - تانىمال اۋەسقوي بوكسشى. ول سپورتتىق مانسابىن اياقتاعاننان كەيىن قوعامدىق ىستەرمەن جانە سپورت مەنەدجمەنتىمەن اينالىسقان. ول بوكستان ەكى دۇركىن ەۋروپا چەمپيونى جانە ەكى رەت الەم كۋبوگىن يەلەنگەن. 1980 -جىلى ماسكەۋدە وتكەن وليمپيادانىڭ كۇمىس جۇلدەگەرى.

 قوناقبايەۆ پارلامەنت ءماجىلىسىنىڭ دەپۋتاتى بولعان. 2010 -جىلدان بەرى AIBA اتقارۋ كوميتەتىنىڭ مۇشەسى، 2014 -جىلدان بەرى - AIBA ۆيسە- پرەزيدەنتى جانە ازيا بوكس كونفەدەراتسياسىنىڭ پرەزيدەنتى.