قىتايعا قانشا مۇناي تاسىمالداندى
CNPC ديرەكتوردىڭ ورىنباسارى سين ۆەيچجۋننىڭ ايتۋىنشا، اتالعان كومپانيا قازاقستاندا جىل سايىن 20 ميلليون توننا شيكى مۇنايدى ءوندىرىپ وتىرادى. ال «قازترانس گاز» ۇلتتىق كومپانياسىمەن بىرلەسە وتىرىپ، «بەينەۋ- بوزوي- شىمكەنت» گاز قۇبىرى سالىندى. ول ارقىلى گازدى تاسىمالداۋ كولەمى 230 ميلليارد تەكشە مەترگە جەتتى. بۇدان بولەك، «اتاسۋ- الاشانكوۋ» مۇناي قۇبىرى پايدالانۋعا بەرىلدى. 2006 -جىلدان بەرى ول ارقىلى قىتايعا 110 ميلليون توننا مۇناي ەكسپورتتالدى.
«CNPC شىمكەنت مۇناي وڭدەۋ زاۋىتىن جاڭعىرتۋ شارالارىنا قاتىسىپ كەلەدى. وسى جۇمىستىڭ ەكىنشى كەزەڭى ءساتتى اياقتالدى. قازاقستاندا ءبىز 42 ميلليارد تەڭگەنىڭ سالىعىن تولەدىك. الەۋمەتتىك جاۋاپكەرشىلىك قاعيداتتارىن دا ساقتاپ كەلەمىز. وسى ۋاقىتقا دەيىن 30 مىڭ ادامعا جۇمىس بەردىك. ءبىز وسى سالاداعى ىنتىماقتاستىق بايلانىستاردى ارى قاراي نىعايتۋعا دايىنبىز»، - دەدى تسين ۆەيچجۋن استانادا وتكەن قازاق- قىتاي بيزنەس فورۋمىندا.
«قازمۇناي گاز» ۇلتتىق كومپانياسىنىڭ تاسىمالداۋ جونىندەگى باسقارۋشى ديرەكتورى نۇرتاس شمانوۆتىڭ سوزىنە قاراعاندا، قازىرگى كەزدە قىتايعا اقتوبە مەن قۇمكولدىڭ مۇنايى تاسىمالدانادى. سونداي- اق باتىس قازاقستاننىڭ شيكىزاتىن جەتكىزۋ جايى پىسىقتالىپ جاتىر.
«بىلتىر ءبىز CNPC- مەن ناقتى كەلىسىمگە كەلدىك. وعان سايكەس، «كەڭقياق- اتىراۋ» مۇناي قۇبىرىنا ريەۆەرس جاسالادى. جوبا بويىنشا كەلىسىم بار. وسىلايشا، مۇناي قۇبىرىنىڭ «كەڭقياق- اقتاۋ» باعىتىن، كەرىسىنشە «اتىراۋ- كەڭقياق» جاققا بۇرامىز. سونىڭ ارقاسىندا باتىس قازاقستاننىڭ مۇنايىن قىتايعا تاسىمالداي الامىز»، - دەپ اتاپ كورسەتتى ن. شمانوۆ.
ايتا كەتەيىك، بۇگىن استاناداعى «ريكسوس» قوناق ۇيىندە قازاق- قىتاي بيزنەس فورۋمى ءوتتى. اتالعان شارا «ءبىر بەلدەۋ - ءبىر جول» باستاماسىنىڭ بەس جىلدىعىنا ارنالىپ وتىر. بۇگىندە ق ح ر وسى باستامانىڭ بويىندا ورنالاسقان 25 مەملەكەتپەن تىعىز قارىم- قاتىناس ورناتىپ، ءوزارا ساۋدا- ساتتىقتى 605 ميلليارد دوللارعا جەتكىزدى. سونىڭ ىشىندە قازاقستان مەن قىتاي اراسىنداعى ساۋدا اينالىمى 10 ميلليارد دوللاردى قۇرايدى.
ق ر پرەزيدەنتى نۇرسۇلتان نازاربايەۆ بۇگىنگى فورۋم قاتىسۋشىلارىنا ءوز قۇتتىقتاۋىن جولدادى. قىتاي حالىق رەسپۋبليكاسىنىڭ ءتوراعاسى شي جينپيڭ دا ۇندەۋ جولداپ، قازاقستاننىڭ پرەزيدەنتى نۇرسۇلتان نازاربايەۆقا ءوز ريزاشىلىعىن ءبىلدىردى. ال ق ح ر كوممەرتسيا جونىندەگى ۆيتسە- ءمينيسترى جەن حۋنبيننىڭ ايتۋىنشا، قازاقستان مەن قىتاي ساۋدا- ساتتىقتى دوللارسىز جۇرگىزۋدى كوزدەيدى.
اۆتور: ارمان اسقاروۆ
