16:50, 07 - قىركۇيەك 2018 | GMT +5
نۇرسۇلتان نازاربايەۆ تەمىرتاۋدىڭ دەمالىس ساياباعىن ارالادى
تەمىرتاۋ. قازاقپارات - نۇرسۇلتان نازاربايەۆ مادەنيەت جانە دەمالىس ساياباعىن ارالاپ كوردى، دەپ حابارلايدى اقوردانىڭ باسپا ءسوز قىزمەتى.

جۇمىس ساپارى بارىسىندا ەلباسى تەمىرتاۋ قالاسىنىڭ مادەنيەت جانە دەمالىس ساياباعىنا «رۋحاني جاڭعىرۋ» باعدارلاماسى اياسىندا جۇرگىزىلگەن قايتا جوندەۋ جۇمىستارىنىڭ ناتيجەلەرىمەن تانىستى.
مەملەكەت باسشىسى بيۋدجەتتەن تىس قاراجات ەسەبىنەن ساياباق اۋماعىندا سالىنعان نىسانداردى ارالاپ كوردى. سونىمەن قاتار، نۇرسۇلتان نازاربايەۆ ساياباقتا قالانىڭ وتكەن عاسىردىڭ 50-60 جىلدارداعى تاريحىن بەينەلەيتىن تەاترلاندىرىلعان قويىلىمدى تاماشالادى.
سونداي- اق، قازاقستان پرەزيدەنتى ءوز زامانداستارىمەن جانە مەتاللۋرگيا كومبيناتىندا بىرگە جۇمىس ىستەگەن بۇرىنعى ارىپتەستەرىمەن جۇزدەسىپ، اڭگىمەلەستى.