09:42, 07 - قىركۇيەك 2018 | GMT +5
ءۇندىستاندا ۇلى موعولدار داۋىرىنە تيەسىلى قارۋ-جاراق ساقتالعان
استانا. قازاقپارات - ءۇندىستاندا كونە تۇركى تايپالارىنىڭ قارۋ-جاراعى ساقتالعان، دەپ جازادى حابار 24.
ءۇندىستاننىڭ كويمباتۋر قالاسىنىڭ تۇرعىنى ەجەلگى قارۋ-جاراق پەن تيىنداردى جيناۋمەن اينالىسادى. دجايش كۋمار پاندياننىڭ كوللەكتسياسىندا 2 مىڭنان استام كونە جادىگەر بار.
ونىڭ ايتۋىنشا، تەمىر مەن تاستان جاسالعان قارۋلار 500 جىل بۇرىن قولدانىلعان ەكەن. پاندياننىڭ قىزىعۋشىلىعى مەكتەپ كەزىندە، تاريح ساباعىندا ويانعان. سودان بەرى ول ەجەلگى جاۋىنگەرلەردىڭ قارۋ-جاراقتارى مەن قۇرال-سايماندارىن جيناۋمەن اينالىسىپ كەلەدى. ونىڭ ەندىگى ارمانى مۋزەي اشىپ، جادىگەرلەردى كوپشىلكتىڭ نازارىنا ۇسىنۋ.
«بۇلاردىڭ بارلىعىن 12 جىل بويى جينادىم. كوللەكتسيامدا 50 گە جۋىق قارۋ ءتۇرى بار. باسىم بولىگى سانگام كەزەڭى، ۆيدجاياناگار يمپەرياسى مەن ۇلى موعولدار كەزەڭدەرىنە تيەسىلى»، - دەيدى كوللەكتسيونەر دجايش كۋمار پانديان.
