قازاقستان مەن رەسەي ماماندارى جولداعى ءتارتىپتى نىعايتۋ ءۇشىن بىرلەسكەن جاتتىعۋ وتكىزدى
شارانىڭ ماقساتى اۆتوموبيل جولدارىندا توتەنشە جاعدايلار كەزىندە كولىكتىڭ قاۋىپسىز جانە كەدەرگىسىز قوزعالىسىن قامتاماسىز ەتۋ.
اتالعان شاراعا قازاقستان تاراپىنان قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ ءتوراعاسى مەرەكە پىشەمبايەۆ، اتىراۋ وبلىسى اكىمىنىڭ ورىنباسارى سۇيىنشاليەۆ جاسۇلان اسقار ۇلى، سولتۇستىك قازاقستان وبلىسى اكىمىنىڭ ورىنباسارى فەديايەۆ انتون ۆلاديميروۆيچ، «قازاۆتوجول» ۇ ك» ا ق وبلىستىق فيليالدارىنىڭ، «قازاق اۆتوجول» ج ش س، «وبلستىق جول زەرتحاناسى» ر م م، «قاز جول عزي» ا ق، سونداي-اق قازاقستان رەسپۋبليكاسى ءى ءى م ايماقتىق بولىمشەلەرىنىڭ وكىلدەرى جانە تاعى باسقالار قاتىستى.
رەسەي تاراپىنان رەسەي فەدەراتسياسى كولىك مينيسترلىگى «روساۆتودور» فەدەرالدى جول اگەنتتىگىنىڭ باسشىسى ستاروۆويت رومان ۆلاديميروۆيچ، سونىمەن قاتار، استراحان وبلىسىنىڭ گۋبەرناتورى جيلكين الەكساندر الەكساندروۆيچ، ف مم جول باسقارماسى رەسەي فەدەراتسياسىنىڭ 34-ايماق وكىلدەرى، سونىمەن بىرگە رەسەي ت ج م جانە ءى ءى م ايماقتىق بولىمشەلەرىنىڭ وكىلدەرى قاتىستى.
جاتتىعۋدا استراحان وبلىسى كراسنويارسك اۋدانى كونداكوۆسك وزەنى كوپىرىنىڭ وپىرىلىپ قۇلاپ، توتەنشە جاعداي اسەرىنەن اۋىر جۇك جانە جولاۋشىلار تاسىمالدايتىن اۆتوكولىك قۇرالدارىنىڭ، جەڭىل اۆتوكولىكتەردىڭ تۇرىپ قالۋ جاعدايلارىن جويۋ مەن ەسكەرتۋ جونىندە كەشەندى ءىس-شارالار وتكىزىلدى.
ءىس-شارا تەوريالىق جانە تاجىريبەلىك بولىپ ەكى بولىمنەن تۇرادى. ءبىرىنشى كۇنى، 6- قىركۇيەكتە استراحان وبلىستىق اكىمشىلىك عيماراتىندا ەكى ەل جول قىزمەتىنىڭ شەكارالاس اۆتوموبيل جولدارىندا توتەنشە جاعدايلار تۋىنداعان كەزدە ءوزارا ءىس-قيمىلى ماسەلەلەرى تالقىلاندى. سونداي-اق، اۆتوجولداردى سالۋ، رەكونسترۋكتسيالاۋ جانە جوندەۋدەن وتكىزگەندە قولدانىلاتىن جاڭا تەحنولوگيالار مەن كۇتىپ ۇستاۋ ەرەكشەلىكتەرى دە تالقىعا ءتۇستى.
وقۋ-جاتتىعۋدىڭ تاجىريبەلىك ءبولىمى 7- قىركۇيەك كۇنى جوعارىدا اتالعان اۆتوموبيل جولى ۋچاسكەسىندە وتەدى. وقۋ-جاتتىعۋ بارىسىندا اۆتوجول قىزمەتىنىڭ، ت ج م قىزمەتىنىڭ، ءى ءى م، العاشقى مەديتسينالىق كومەك كورسەتەتىن قىزمەت پەن باسقا دا قاجەتتى قىزمەتتەردىڭ قاۋىپسىزدىكتى قامتاماسىز ەتۋ شارالارى كورسەتىلەتىن بولادى.
