قاراعاندىدا ەلەكتر سىمىنان جاراقات العان اققۋ مەرت بولدى
«2018 -جىلدىڭ 6 - قىركۇيەگىندە قاراعاندى وبلىسى اباي قالاسىنىڭ تۇرعىنى اۋماقتىق ورمان شارۋاشىلىعى جانە جانۋارلار الەمى ينسپەكتسياسىنا حابارلاسىپ، قالا ماڭىندا اققۋعا ۇقساس ەكى قۇستىڭ جاتقانىن حابارلاعان. ينسپەكتسيا ماماندارى قاراعاندى زووباعىنىڭ ۆەتەريناريا قىزمەتىمەن بىرگە وقيعا ورنىنا باردى»، - دەپ جازدى س. دىلداحمەت.
وقيعا ورنىنا كەلگەن ماماندار قۇستاردىڭ سۇڭقىلداق اققۋلار ەكەندىگىن انىقتاعان. اققۋدىڭ بۇل ءتۇرى سيرەك كەزدەسەتىن نەمەسە جوعالۋ قاۋپى بار قۇستار قاتارىنا جاتپايدى.
«قوس اققۋدىڭ ءبىرى جوعارى ءۆولتتى ەلەكتر سىمىنا ۇرىنىپ، ولگەن. قۇس تۇمسىعىنداعى تەرەڭ جارا وسىنى ايعاقتايدى. ەكىنشى اققۋ مەرت بولعان سىڭارىنان تاستاپ كەتە الماعان جانە قاتتى السىرەگەن. سەبەبى، اققۋلار مونوگامدى (ءبىر نەكەلى) بولىپ سانالادى. ءتىرى قالعان اققۋ قاراعاندى وبلىسىنىڭ زووباعىنا بەرىلدى»، - دەيدى س. دىلداحمەت.
ۆيزۋالدى تەكسەرۋ بارىسىندا ەكى قۇستان دا اتۋ جاراقاتى تابىلعان جوق.
اۆتور: ايجان سەرىكجان قىزى
