مايك تايسوندى جەڭگەن بوكسشى گولوۆكين- الۆارەس كەزدەسۋىنە بولجام جاسادى
- العاشقى جەكپە- جەك ناتيجەسى (تورەشىلەر شەشىمى) قىزىق بولعان. بۇل جولى ەكەۋىنىڭ ءبىرى «مەنىڭ تورەشىم - مەنىڭ جۇدىرىعىم، قاتەلىككە جول جوق» دەپ شىعارىنا سەنەمىن. مەنىڭ بولجامىم بويىنشا، ول گولوۆكين بولۋ كەرەك. GGG نوكاۋتقا ءتۇسىرۋدىڭ حاس شەبەرى. وسى جولى دا كورەمىز دەپ سەنەمىن. جانكۇيەرلەر ءبىرىنشى جەكپە- جەكتە- اق «كانەلونى» نوكاۋتقا تۇسىرگە قاۋقارلى بولعانىن ايتقان. سوندىقتان بۇل كەزدەسۋ قىزىقتى بولماق. گولوۆكين - عاجاپ بوكسشى. ول قارسىلاسىن نوكاۋتقا ءتۇسىرۋدىڭ جولىن بىلەدى.
«كانەلو» - اقىلدى بوكسشى. جاقسى جۇدىرىقتاسىپ، شارشى الاڭدا وزبىرلىق جاساي دا الادى. ءبىرىنشى جەكپە- جەكتە بوكسشى رەتىندە ءساتتى جۇدىرىقتاستى. مەن ونىڭ بۇلاي شايقاسا الاتىنىن بىلمەپپىن. ەكىنشى جەكپە- جەكتە كىم بولاتىنىن (بوكسشى، الدە تەك شابۋىلداۋشى، بولماسا ەكەۋى دە) اسىعا كۇتەمىن، - دەدى لەننوكس BT Sport تەلەارنالار جەلىسىنە بەرگەن سۇحباتىندا.
لەننوكس ليۋيس 2002 -جىلى مەمفيستە مايك تايسوندى 8 - راۋندتا نوكاۋتپەن جەڭىپ، WBC، IBF جانە IBO چەمپيوندىق اتاقتارىن قورعاپ قالعان بولاتىن. مايك تايسوندى ەكى رەت جەڭگەن جالعىز بوكسشى - ەۆاندەر حوليفيلد. ەكىنشى كەزدەسۋىندە تەمىر تايسون قارسىلاسىنىڭ قۇلاعىن تىستەپ العان ەدى. بۇل وقيعا بوكس جانكۇيەرلەرىنىڭ ەسىنەن ءالى شىعا قويعان جوق. ال ءبىزدىڭ ايتپاعىمىز ەۆاندەردىڭ الداعى جەكپە- جەككە بولجامى بولماق. 55 جاسقا كەلگەن بوكسشى گەننادي گولوۆكيننىڭ جەڭىسكە جەتەرىنە سەنىممەن قارايدى.
Massaget.kz
