ساۋد ارابياسىندا ورىنسىز ءازىل ءۇشىن تۇرمەگە قامايتىن زاڭ قابىلداندى

 استانا. قازاقپارات - بۇدان بىلاي ساۋد ارابياسىندا ءدىن تاقىرىبىندا ءازىل سيپاتتى جازبا قالدىرعان الەۋمەتتىك جەلى قولدانۋشىلارى زاڭ الدىندا جاۋاپ بەرەتىن بولادى.

مۇنداي جاعدايدا تەمىر توردىڭ ارعى جاعىندا جازا وتەۋ مەرزىمى بەس جىلعا دەيىن سوزىلادى، دەپ حابارلايدى The Independent باسىلىمى.

«الەۋمەتتىك جەلىلەر ارقىلى كۇلكىلى، مازاق، ارانداتۋ سيپاتتاعى قوعامدىق ءتارتىپتى، ءدىني قۇندىلىقتاردى جانە الەۋمەتتىك ءمورالدى بۇزاتىن جازبا تاراتۋ كيبەرقىلمىس بولىپ سانالادى» ، - دەلىنگەن ۆەدومستۆودا.

ءدال وسى سيپاتتار بويىنشا كىنالى دەپ تابىلعان ادامدار 40 كۇننەن 5 جىلعا دەيىن باس بوستاندىعىنان ايىرىلادى. سونداي- اق، ولار ءۇش ميلليون ريال كولەمىندە (800 مىڭ دوللار) ايىپپۇل تولەۋى كەرەك.

باسىلىمنىڭ حابارلاۋىنشا، 2012 -جىلى ساۋد ارابياسىنداعى بلوگەر يسلام ءدىنىن بالاعاتتاعانى ءۇشىن 10 جىلعا باس بوستاندىعىنان ايىرىلعانى جانە 1000 مارتە قامشىمەن ۇرىلعانى تۋرالى جازعان.

Baq.kz