اۋعانستانداعى جارىلىستا قازاقستاندا وقىعان جۋرناليست قازا تاپتى
ەسكە سالا كەتەيىك، كابۋلدىڭ باتىس بولىگىندە ورنالاسقان سپورت كلۋبتاردىڭ بىرىندە قوس جارىلىس بولدى. ءبىرىنشى جارىلىس شەيىتتەر تۇراتىن داشتي بارچي كۆارتالىندا جەكپە-جەك كلۋبىندا بولعان. جارىلعىش قۇرىلعىنى جانكەشتى- لاڭكەس ىسكە قوسقان.
ەكىنشى شابۋىلدى وقيعا ورنىنا كەلگەن تىلشىلەر توبىنىڭ اراسىنا ەنگەن تەرروريست جاساعان. ءىرى لاڭكەستىك وقيعاسىنىڭ سالدارىنان قازا تاپقانداردىڭ اراسىندا ب ا ق وكىلدەرى دە بار ەكەنى تۋرالى اقپارات تارادى.
بۇگىن TOLO news تەلەارناسى جارىلىس وقيعاسىنىڭ ەگجەي-تەگجەيىن ءبىلۋ ءۇشىن بارعان ءتىلشىسى ساميم فارامارز مەن وپەراتورى راميز احماديدىڭ وپات بولعانىن مالىمدەدى.
ءتىلشى ساميم فارامارز جۋرناليست ماماندىعىنا ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە وقىعان. وسى ۋنيۆەرسيتەتتىڭ «باسپا ءسوز جانە ەلەكتروندى ب ا ق» كافەدراسىنىڭ مەڭگەرۋشىسى، پروفەسسور گۇلميرا سۇلتانبايەۆانىڭ مالىمدەۋىنشە، جۋرناليستيكا فاكۋلتەتى ساميم فارامارزدى ەسكە الۋ ماقساتىندا شارا وتكىزبەك.
