10:59, 06 - قىركۇيەك 2018 | GMT +5
موڭعوليا ۇكىمەتى وقۋشىلارعا سمارتفون قولدانۋعا شەكتەۋ قويدى
استانا. قازاقپارات - سارسەنبى كۇنى موڭعوليانىڭ مينيسترلەر كابينەتى جالپى ءبىلىم بەرۋ مەكتەپتەرى مەن باسقا دا وقۋ ورىندارى اۋماعىندا سمارتفوندار قولدانۋعا شەكتەۋ قويۋ تۋرالى شەشىم قابىلدادى.
ۇكىمەتتىڭ بۇل قاۋلىسى وسى جىلدىڭ 1- قازانىنان باستاپ كۇشىنە ەنەدى، دەپ حابارلايدى قازاقپارات مونتسامە اگەنتتىگىنە سىلتەمە جاساپ.
اتاپ وتىلگەندەي، قازىرگى تاڭدا موڭعوليادا 8-17 جاس ارالىعىنداعى بالالاردىڭ 71,8 پروتسەنتى ۇيالى تەلەفوندى بەلسەندى قولدانادى. ونىڭ 54,6 پروتسەنتىندە ينتەرنەت قوسىلعان.
عالىمدار مەن دارىگەرلەر 12 جاسقا تولماعان بالالارعا سمارتفون بەرۋگە بولمايتىنىن ەسكەرتۋدە. سەبەبى، جوعارى دالدىكتەگى ەلەكتروماگنيتتىك ساۋلەلەر بالالاردىڭ دەنساۋلىعىنا زيان كەلتىرەدى.
