اتىراۋدا مۇنايشىلاردى حالىقارالىق تالاپتار نەگىزىندە دايىندايتىن بولدى

اتىراۋ. قازاقپارات - اتىراۋدا حالىقارالىق تالاپتار نەگىزىندە مۇنايشىلار دايىندايتىن بولادى، دەپ حابارلايدى قازاقپارات ءتىلشىسى.

«اتىراۋلىق بىلىكتىلىگى جوعارى ماماندار دايارلايتىن APEC PetroTechnic كوللەدجى مالتالىق كوللەدجبەن مۇناي-گاز سالاسى ماماندارىن بىرلەسىپ دايىنداۋ جونىندە كەلىسىم جاسادى. شەتەلدىك كاسىبي ماماندار الدىمەن ەلەكترمەن قامتاماسىز ەتۋشى مامانداردى دايىندايدى. ال، كەلەسى وقۋ جىلىنان باستاپ، باقىلاۋ- ەسەپتەۋ قۇرىلعىلارى مەن اۆتوماتتاندىرۋشى مامانداردى وقىتپاق. جىل سوڭىنا دەيىن جوعارى ءبىلىم بەرەتىن كوللەدج 230 ماماندى دايىنداپ شىعۋدى جوسپارلاپ وتىر. ولاردىڭ 30 مامانىنىڭ قازاقستاندىق جانە مالتالىق ەكى ديپلومى بولادى. كەلەسى جىلدان باستاپ، ەكى ديپلومى بار تۇلەكتەر سانى 60-قا جەتكىزىلەدى دەپ جوسپارلانۋدا»، - دەدى وقۋ ورنىنىڭ باسپا ءسوز قىزمەتى.

ايتا كەتەيىك، وقۋ ورنى جۇمىسىن باستاعان 5 جىل ىشىندە 700 دەن استام مامان دايىنداپ، مۇناي جانە گاز ۇڭعىمالارىن بۇرعىلاۋ، مۇناي مەن گاز ءوندىرۋ تەحنولوگياسى، حيميالىق تەحنولوگيا ينجينيرينگى، مۇناي كەنىشتەرىن ەلەكترمەن قامتاماسىز ەتۋ مەن پايدالانۋ سياقتى 6 باعىت بويىنشا، 1000-نان استام ستۋدەنتتەرگە ءبىلىم بەرىپ جاتىر. بيىلعى وقۋ جىلىندا ستۋدەنتتەر 9-سىنىپ بازاسىندا ءبىلىم الا باستادى. بۇرىندارى بۇل جۇمىستار 11-سىنىپ بازاسىندا عانا جۇزەگە اسىرىلاتىن.