17:44, 05 - قىركۇيەك 2018 | GMT +5
الماتى قالاسىندا «الاش تۋى استىندا» دەرەكتى فيلمىنىڭ تۇساۋكەسەرى وتكىزىلەدى
الماتى. قازاقپارات - الماتى قالاسىندا «الاش تۋى استىندا» دەرەكتى فيلمىنىڭ تۇساۋكەسەرى وتكىزىلەدى، دەپ حابارلايدى قازاقپارات.
«7 - قىركۇيەكتە ساعات 11:00-دە الماتى قالاسىنداعى «Kinoplexx Sary Arka» (التىنسارين كوشەسى، 24) كينوتەاترىندا ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسى تۇسىرگەن «الاش تۋى استىندا» دەرەكتى فيلمىنىڭ تۇساۋكەسەرى وتەدى»، - دەلىنگەن حابارلامادا.
شارانى ۇيىمداستىرۋشىلاردىڭ مالىمەتىنشە، دەرەكتى فيلمنىڭ باس كەڭەسشىسى - مامبەت قويگەلديەۆ، شىعارماشىلىق كەڭەسشىسى - تۇرسىنجان شاپاي.
