اتىراۋ وبلىسىنىڭ اۋداندارىندا «بيلەر كەڭەسى» قۇرىلدى
اتىراۋداعى جىلىوي اۋداندىق سوتىنىڭ ۇيىمداستىرۋىمەن «نۇر وتان» پارتياسى اۋداندىق فيليالىنىڭ عيماراتىندا «بيلەر كەڭەسىن قۇرۋ - ۇلتتىق قۇندىلىعىمىزدى جاڭعىرتۋ» تاقىرىبىندا كەڭەس وتكىزىلدى. كەزدەسۋدى اشقان سوت ءتوراعاسى ب. جۇمابايەۆ ەلباسىمىزدىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا قازاقتىڭ بيلەر كەڭەسىن ۇلتتىق قۇندىلىقتار رەتىندە تانىپ، حالىق اراسىندا كەڭىنەن ناسيحاتتاۋ قاجەتتىگىن ايتقانىن اتاپ ءوتتى.
«كوشپەلى قازاق قوعامىنىڭ بيلەر سوتى تاريح قويناۋىندا قالسا دا، ونىڭ بەدەلى مەن مارتەبەسى بۇگىنگى كۇنگە دەيىن جالعاسىن تاۋىپ وتىر. ۇلتتىق تاريحىمىزداعى اسىل قازىنالارىمىزدى زەرتتەۋ، ونىڭ شىنايى ناتيجەلەرىن جارىققا شىعارۋ قاي ۇرپاق ءۇشىن دە جوعارى مىندەت بولىپ سانالادى»، - دەپ ءمالىم ەتتى جىلىوي اۋداندىق سوتىنىڭ باسپا ءسوز قىزمەتى.
كەزدەسۋ قورىتىندىسى بويىنشا جىلىوي اۋدانىندا بيلەر كەڭەسىن قۇرۋ تۋرالى شەشىم قابىلداندى. وبلىستىق سوتتىڭ باسپا ءسوز قىزمەتى حابارلاعانداي، مۇنداي كەڭەستەر بارلىق اۋدانداردا قۇرىلادى. سونداي- اق، جيىن بارىسىندا بارلىق قاتىسۋشىلار اتالعان جوبانى اۋداندىق دەڭگەيدە جۇزەگە اسىرۋ، حالىق اراسىندا ءوزارا داۋلاردى شەشۋ تاسىلدەرىن تالقىلادى.
اۆتور: اباي ابىلاي ۇلى
