گولوۆكيننىڭ پروموۋتەرى بوكسشىنىڭ ءانۇراننان نە سەبەپتى باس تارتقانىن ايتتى

 استانا قازاقپارات - گەننادي گولوۆكيننىڭ پروموۋتەرى توم لەففلەر بوكسشىنىڭ ءوز ءانۇرانىن شىرقاۋدان باس تارتۋى جايلى وسكار دە لا حويانىڭ ايتقانىمەن كەلىسپەيتىنىن جەتكىزدى.

ول الۆارەس پروموۋتەرىنىڭ شۋ شىعارعان مالىمدەمەسىنە قاتىستى جاۋاپ بەردى دەپ حابارلايدى sports.kz.

مەكسيكالىق بوكسشىنىڭ پروموۋتەرى گولوۆكيننىڭ توبى جەكپە-جەك الدىندا ءانۇران شىرقاۋدان باس تارتىپ جاتقانىن، بۇل ءوزىنىڭ تۋىپ-وسكەن ەلى قازاقستاندى قۇرمەت تۇتپايتىندىعىنىڭ كورىنىسى دەپ باسا ايتقان بولاتىن.

وسكار دە لا حويانىڭ ايتۋىنشا، جەكپە-جەك الدىندا ءانۇراندى ايتۋ ءوز الدىنا ءبىر بولەك ءراسىم.

الايدا، گەننادي گولوۆكيننىڭ توبى الۆارەس پروموۋتەرىنىڭ مالىمدەمەسىمەن كەلىسپەيتىنىن ايتتى. ولار ۇلتتىق ءانۇرانداردى شىرقاۋ ءراسىمى PPV- كورسەتىلىمگە دەيىن وتكىزىلۋىن قالاعانىن ايتىپ اقتالۋدا.

توم لەففلەردىڭ ايتۋىنشا، بوكسشىلار بۇل شەشىمدى جەكپە-جەككە ەشتەڭە كەدەرگى كەلتىرمەس ءۇشىن قابىلداعان.

وعان قوسا، GGG پروموۋتەرى مەكسيكالىق بوكسشىنىڭ توبى گولوۆكيننەن شىندىققا جاناسپايتىن مالىمدەمە ءۇشىن كەشىرىم سۇراۋ كەرەكتىگىن ايتتى.