تاسقا «جان بىتىرگەن» اۋليەاتالىق ءمۇسىنشى

 استانا. قازاقپارات - شۋ اۋدانى تولە ءبي اۋىلىندا تاستىڭ ءتىلىن تاپقان حاس تالانت قالي قورالاسبايەۆ دەگەن ازامات تۇرادى. ول -  سۋرەت سالىپ، ءمۇسىن سوعىپ قانا قويماي، اعاش ويىپ، تاس قاشاپ، بەينەلەۋ ونەرىنىڭ قىر- سىرىن ابدەن مەڭگەرگەن جان.

 40 قا جۋىق اعاش پەن تاستان ءتۇيىن تۇيگەن شەبەر ءار ەڭبەگىندە وقيعانى ماڭگى ەستە قالدىرۋعا تىرىسقان. ودان وزگە اۋدان وبلىس رەسپۋبليكا كولەمىندە 200-گە تارتا كورمە ۇيىمداستىرىپ، قابىلەتىمەن شىعارماشىلىق قاۋىمداستىقتى مويىنداتقان.

كىسەن اشقان، ءولى جاۋىنگەر، وتان، ۇلى دالا قورعانى، قورقىتتىڭ زارى، قىر قىزى، بولاشاق، دالا مەلودياسى -  ءمۇسىنشىنىڭ تالاي جىلدار تەر توگىپ، كوز مايىن تاۋىسىپ جاساعان تۋىندىلارى. تاريحىمىزدى تاسقا تاڭبالاپ جۇرگەن ءمۇسىنشى ءاربىر ەڭبەگىنە 3-4 جىل ۋاقىت جۇمسايدى.

 قالي قورالاسبايەۆ، ءمۇسىنشى:

 - مۇسىنشىلەردە جاقسى ءسوز بار: «ەگەر ءوزىڭدى ءمۇسىنشى دەپ ەسەپتەيتىن بولساڭ، ناعىز تاس مۇسىننەن جاساپ كور». ياعني ونىڭ اۋىرلىعىن ايتىپ تۇر، ونى ەكىنىڭ ءبىرى جاساي المايتىنىن ايتىپ تۇر.

 بۇل تاس ءمۇسىندى باسىنان اياعىنا دەيىن سۋرەتشىنىڭ جەكە ءوزى جاسايدى.

www.24.kz