21:21, 04 - قىركۇيەك 2018 | GMT +5
ق. توقايەۆ قىتايدىڭ اسكەري كەڭەسى ءتوراعاسىنىڭ ورىنباسارىمەن ايماقتىق قاۋىپسىزدىك ماسەلەلەرىن تالقىلادى
استانا. قازاقپارات - قازاقستان مەن قىتاي اراسىنداعى ىنتىماقتاستىق ودان ءارى بەكي بەرمەك. بۇگىن پارلامەنت سەناتىنىڭ ءتوراعاسى قاسىم- جومارت توقايەۆ قىتايدىڭ ورتالىق اسكەري كەڭەسى ءتوراعاسىنىڭ ورىنباسارىمەن كەزدەستى.
«قىتايلىق وكىلدىڭ قازاقستانعا ارنايى ات باسىن بۇرۋ ەكى ەل اراسىنداعى ستراتەگيالىق ىنتىماقتاستىقتى ودان ءارى جاقسارتا تۇسەدى»، - دەيدى سەنات ءتوراعاسى.
ويتكەنى قوس مەملەكەتتىڭ دە كوزدەگەنى - ايماقتاعى قاۋىپسىزدىك پەن تىنىشتىق. وسى ماقساتتا شاڭحاي ىنتىماقتاستىق ۇيىمىنىڭ جەمىستى جۇمىس اتقارىپ كەلە جاتقانى ايتىلدى. ءوز كەزەگىندە سيۋي تسيليان تاۋەلسىزدىك جىلدارىندا قازاقستان الەۋمەتتىك- ەكونوميكالىق جاعىنان قارىشتاپ دامىپ، حالىقارالىق ارەناداعى بەدەلىنىڭ ارتقانىن اتاپ ءوتتى. كەزدەسۋ بارىسىندا تاراپتار الەمدە تۋىنداپ جاتقان سىن- قاتەرلەرگە قارسى ايماقتىڭ قاۋىپسىزدىگىن قاداعالاۋ ماسەلەلەرىن تالقىلادى.
www.24.kz
