19:51, 04 - قىركۇيەك 2018 | GMT +5
اريف الۆي پاكىستان پرەزيدەنتى بولدى
استانا. قازاقپارات - پاكىستاننىڭ بيلەۋشى پارتياسى «ادىلدىك ءۇشىن قوزعالىسىنىڭ» وكىلى اريف الۆي ەلدىڭ 13- پرەزيدەنتى اتاندى. بۇل تۋرالى Geo.tv تەلەارناسى حابارلادى.
ەسكە سالا كەتەيىك، مەملەكەت باسشىسى لاۋازىمىنا ءۇش كانديدات ۇسىنىلعان بولاتىن. ولار: ادىلەت ءۇشىن قوزعالىس بيلەۋشى پارتياسىنىڭ وكىلى اريف الۆي، پاكىستان حالىق پارتياسىنان ۇسىنىلعان كانديدات ايتزاز احسان جانە وپپوزيتسيا وكىلى فازل- ۋر- رەحمان.
پاكىستان پرەزيدەنتىن فەدەرالدىق پارلامەنتتىڭ تومەنگى جانە جوعارى پالاتاسىنىڭ، سونداي- اق ەلدىڭ ءتورت پروۆينتسياسى زاڭ شىعارۋشى جيىندارىنىڭ 1174 دەپۋتاتىنان قۇرالعان سايلاۋشىلار القاسى سايلايدى.
