19:06, 04 - قىركۇيەك 2018 | GMT +5
الىپتار ايقاسى: ىستىقكولدە وزگەشە تۋرنير ۇيىمداستىرىلدى
كىرچىن. قازاقپارات - ىستىقكول وبلىسىنىڭ كىرچىن جايلاۋىنداعى ەتنوقالاشىقتا 3 - دۇنيەجۇزىلىك كوشپەندىلەر ويىندارى اياسىندا ورتاعاسىرلىق شايقاس تۋرنيرى ۇيىمداستىرىلدى،
دەپ حابارلايدى «قازاقپارات» ح ا ا «كابار» اگەنتتىگىنە سىلتەمە جاساپ.
تۋرنيرگە قىرعىزستان، قازاقستان، وزبەكستان جانە رەسەي كوماندالارى قاتىسىپ جاتىر.
قاتىسۋشىلاردىڭ ايتۋىنشا، سپورتتىڭ بۇل ءتۇرى ورتا عاسىرلاردان باستاۋ الادى.
«بۇگىندە ءبىز كوشپەندى اتا- بابالارىمىز شايقاسقان ساۋىت- سايمانداردى قولدانىپ جاتىرمىز. مۇندا سوققى بەرۋ تەحنيكاسى جانە كۇرەس ەلەمەنتتەرىن قامتىعان ناعىز ايقاستى كورۋگە بولادى»، - دەيدى الماتىلىق قاتىسۋشىلاردىڭ ءبىرى.
ايتا كەتەيىك، «ورتاعاسىرلىق» سپورتشىلار سالماعى 30 كەلى تارتاتىن ساۋىت كيگەن.
