قازاقستان كورشى ەلدەردەن جەتكىزىلگەن ونىمدەردى كەرى قايتاردى
اتاپ ايتقاندا، رەسەيدەن كارانتينگە جاتقىزىلعان ءبىرقاتار ءونىمدى اكەلۋ كەزىندە ( ءسابىز - 3,5 توننا، كەسىلگەن اعاش ونىمدەرى - 36 تەكشە مەتر ، قىزاناق - 9,5 توننا) ەكسپورتتاۋشى ەلدىڭ ۇلتتىق كارانتيندىك قىزمەتىنىڭ فيتوسانيتاريالىق سەرتيفيكاتى ۇسىنىلماعان. سونىمەن بىرگە، 18 توننا جاسىمىق جارامسىز سەرتيفيكاتپەن تاسىمالداندى.
ال قىرعىزستاننان جەتكىزىلگەن كارتوپ پەن جۇزىمدە فيتوسانيتارلىق سەرتيفاكات بولماعان. سونىمەن قاتار، وسى ەلدەن تاسىمالدانعان ءونىم پارتيالارىندا (نەكتارين - 6,4 توننا، ءجۇزىم - 11,2 توننا، قۇلپىناي - 2 توننا، تاڭقۋراي - 1,6 توننا، ورىك - 18 توننا) ءتيىستى تاڭبالىق بەلگىلەر كورسەتىلمەگەن. بۇدان بولەك، ءونىمدى اكەلۋ كەزىندە (شابدالى - 7,1 توننا) كارانتينگە جاتقىزىلعان وبەكتى - كومستوك سىمىرى (Pseudococcus comstocki (Kuwana ) انىقتالدى.
وسىمدىكتەر كارانتينى جونىندەگى مەملەكەتتىك ينسپەكتورلار انىقتاعان جوعارىدا اتالعان بۇزۋشىلىقتار بويىنشا كاسىپكەرلەر اكىمشىلىك جاۋاپكەرشىلىككە تارتىلدى. سونىمەن قاتا، بۇل ونىمدەر ەكسپورتتاعان ەل اۋماعىنا قايتارىلدى.
