سولتۇستىك قازاقستان وبلىسىندا اۋدان اكىمى پارانى رەسەي رۋبلمەن العان

استانا. قازاقپارات - سولتۇستىك قازاقستان وبلىسىنا قاراستى مامليۋت اۋدانىنىڭ اكىمى پارا العانى ءۇشىن ۇستالدى. بۇل تۋرالى بۇگىن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى نۇرلان جاحين ءمالىم ەتتى، دەپ حابارلايدى قازاقپارات ءتىلشىسى.

«سولتۇستىك قازاقستان وبلىسىندا اۋدان اكىمىنىڭ قىلمىسى اشكەرە بولدى. 1 - قىركۇيەك كۇنى سولتۇستىك قازاقستان وبلىستىق سىبايلاس جەمقورلىققا قارسى ۇلتتىق بيۋروسىمەن جۇرگىزىلگەن جەدەل ىزدەستىرۋ شاراسى بارىسىندا مامليۋت اۋدانى اكىمىنىڭ پاراقورلىق ارەكەتى اشكەرەلەندى. اكىم جالپى قامقورلىعى ءۇشىن ج ش س ديرەكتورىنان 185 مىڭ رەسەي رۋبلى سوماسىندا اقشانى پارا رەتىندە العان. تەڭگەگە شاققاندا 1 ميلليون تەڭگەنى قۇرايدى»، - دەدى رەسمي وكىل.

ونىڭ ايتۋىنشا، اكىم ۇستالعان ۋاقىتتا كىناسىن تولىقتاي مويىندادى. سوندىقتان قاماۋعا الىنعان جوق.

 «پاراعا العان اقشا ونىڭ كابينەتىنەن تابىلعان بولاتىن»، - دەدى نۇرلان جاحين.

اۆتور: مارلان جيەمباي