قازاقستاندا جاڭا كولىكتەرگە سۇرانىس دەڭگەيى قانداي
«ەسەپتى كەزەڭدە اكىمشىلىك پوليتسيا ورگاندارى تىركەۋگە 851465 اۆتوكولىكتى قويدى. اتالعان كورسەتكىش وتكەن جىلدىڭ سايكەس كەزەڭىنەن 13,9 پايىزعا ارتىق. ونىڭ ىشىندە 799500 ءى ەكىنشى رەت تىركەلگەندەر ۇلەسىندە، ياعني ءبىر ادامنان ەكىنشى ادامنىڭ اتىنا اۋىستىرىلعان كولىكتەر ساناتىنا جاتقىزىلدى. ءوسىم 2017 -جىلمەن سالىستىرعاندا 13,2 پايىزعا جەتتى. ال العاش رەت تىركەلگەن كولىك قۇرالدارىنىڭ سانى 51965 ءتى قۇرادى. ول بىلتىرعا قاراعاندا، 26 پايىزعا جوعارى» ، - دەگەنپ اتاپ كورسەتىلگەن تاراتىلعان مالىمەتتە.
بيىلعى قاڭتار- تامىزدا قازاقستان اۋماعىندا 43 ەلەكتروموبيل تىركەلگەن ەكەن.
«قازاۆتوونەركاسىپتىڭ» حابارلاۋىنشا، ەسەپتى كەزەڭدە قايتا تىركەلگەن كولىكتەردىڭ ۇشتەن ەكىسىن (69,1 پايىزى) پايدالانۋ مەرزىمى 10 جىلدان اسقان كولىكتەر قامتىعان.
ونىڭ ىشىندە 20 جىلدان اسقانداردىڭ ۇلەسى 316 مىڭ (39,6 پايىز) بولسا، 11دەن 20 جىلعا دەيىنگىلەر 29,5 پايىزدى قۇرادى. ال 4 تەن 7 جىلعا دەيىن - 162908 (20,4 پايىز) ، 8 دەن 10 جىلعا دەيىن - 216 44 (5,5 پايىز) ، 1 دەن 3 جىلعا دەيىنگى كولىكتەر سانى 36205 كە جەتتى. سونىمەن قاتار، پايدالانۋ مەرزىمى 1 جىلعا جەتپەگەن كولىكتەردىڭ ۇلەسى 0,5 پايىز بولدى.
كەلىسىمشارت راسىمدەرىنە قاراعاندا، وتاندىق اۆتوپاركتىڭ ەسكىرۋىنىڭ تۇراقتى ءۇردىسى بايقالۋدا.
