ۇكىمەت باسشىسى سيفرلىق حابار تاراتۋ بويىنشا تاپسىرما بەردى

استانا. قازاقپارات - سيفرلىق تەلەراديو تاراتۋعا كوشۋ ماڭىزدى الەۋمەتتىك جوبا. بۇل تۋرالى بۇگىن ۇكىمەتتىڭ سەلەكتورلىق رەجيمدەگى وتىرىسىندا پرەمەر-ءمينيسترى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.

«سيفرلىق تەلەراديو تاراتۋعا كوشۋ ماڭىزدى الەۋمەتتىك جوبا. سوندىقتان بارلىق دەڭگەيدەگى ۇيلەسىمدى جۇمىس پەن تۇراقتى باقىلاۋ قاجەت. اقپارات جانە كوممۋنيكاتسيالار مينيسترلىگىنە وڭىرلەرمەن بىرگە سيفرلىق ەفيرلىك حابار تاراتۋعا كوشۋدى ۋاقتىلى قامتاماسىز ەتۋدى تاپسىرامىن»، - دەدى باقىتجان ساعىنتايەۆ.

ايتا كەتەرلىگى، وسى ماسەلە بويىنشا وتىرىستا بايانداما جاساعان اقپارات جانە كوممۋنيكاتسيالار ءمينيسترى داۋرەن ابايەۆتىڭ ايتۋىنشا، ماڭعىستاۋ، جامبىل مەن تۇركىستان وبلىستارى جانە شىمكەنت قالاسى - 2018-جىلدىڭ اياعىنا دەيىن، الماتى، پاۆلودار، قوستاناي وبلىستارى - 2019-جىلى، شىعىس قازاقستان، سولتۇستىك قازاقستان، قاراعاندى، اتىراۋ، قىزىلوردا وبلىستارى - 2020-جىلعا دەيىن، باتىس قازاقستان، اقمولا، اقتوبە وبلىستارى، استانا جانە الماتى قالالارى - 2021 جىلى كەزەڭ-كەزەڭىمەن جاڭا فورماتقا اۋىساتىن بولادى.