شەكارادان چەمودانعا تىعىلىپ وتكىسى كەلگەن ارۋ شەكاراشىلاردى تاڭعالدىردى

 استانا. قازاقپارات - تۇرىك شەكاراشىلارى تۇركيا اۋماعىنا چەمودانعا تىعىلىپ وتۋگە تالپىنعان وزبەكستان ازاماتشاسىن ۇستادى.

تۇرىك اقپارات قۇرالدارىنىڭ حابارلاۋىنشا، شەكاراشىلار وزبەك ايەلدى 24 جاستاعى گرۋزيا ازاماتىنىڭ چەمودانىنان الىپ شىققان دەپ حابارلايدى ورتالىق ازيانىڭ جاڭالىقتار قىزمەتىنە سىلتەمە جاساعان NUR. KZ.

بۇل وقيعا تۇرىك-گرۋزين «سارپ» شەكاراسىندا تىركەلگەن. حابارلارعا قاراعاندا، گرۋزيانىڭ گ. پ. ەسىمدى ازاماتىنىڭ ارەكەتى مەن ونىڭ ۇلكەن چەمودانى شەكاراشىلاردىڭ كۇدىگىن تۋعىزعان. شەكاراشىلار چەموداندى اشىپ كورسەتۋىن تالاپ ەتكەن.

چەمودان ىشىنەن شىققان 27 جاستاعى وزبەكستان ازاماتى شەكاراشىلاردى تاڭقالدىردى.

پوليتسيا بولىمىندە بۇل قىزدىڭ تۇركياعا كىرۋگە بەس جىلعا تىيىم سالىنعانى انىقتالدى.

تۇركيا پوليتسياسى قىز بەن جىگىتتى قاماۋعا الدى. ولارعا قاتىستى قىلمىستىق ءىس قوزعالدى.