قاراعاندى وبلىسىندا اڭ اۋلاۋدىڭ كۇزگى- قىسقى ماۋسىمى اشىلدى

قاراعاندى. قازاقپارات - ءبىرىنشى قىركۇيەكتەن باستاپ قاراعاندى وبلىسىندا اڭ اۋلاۋدىڭ كۇزگى- قىسقى ماۋسىمى باستالدى، دەپ حابارلايدى ءوڭىر باسشىسىنىڭ رەسمي سايتى.

جالپى ول اقپاننىڭ ورتاسىنا دەيىن جالعاسادى، الايدا، بەلگىلى-ءبىر جانۋارلار تۇرلەرى ءۇشىن مەرزىمدەر ءارتۇرلى بولۋى مۇمكىن.

ماۋسىم رەسمي تۇردە اشىلعانىنا قاراماستان، اڭشىلارعا بۇرىنعىداي سايكەسىنشە قۇجاتتار الۋ كەرەك: اڭشى كۋالىگى، جانۋارلار الەمىن پايدالانۋعا ارنالعان رۇقساتتاما، اڭشىلىق شارۋاشىلىق سۋبەكتىسىنىڭ جولداماسى. وق قارۋ قولدانىلاتىن اڭشىلىق بارىسىندا جەكە تۇلعالارعا ازاماتتىق قارۋدى جانە وق دارىلەرىن ساقتاۋعا جانە ۇستاۋعا، ساقتاۋعا رۇقسات قاعازى. ال اقشى قۇستارمەن اڭعا شىققاندا قۇستىڭ ءتولقۇجاتى بولۋى ءتيىس.

ەگەر بۇل قۇجاتتار بولماسا، اڭشىلىقتى براكونەرلىك دەپ تانىلۋى مۇمكىن.

ايتا كەتەر جايت، ءتۇرلى جانۋارلارعا اڭعا شىعۋ مەرزىمدەرى ەلىمىزدەگى ەرەجەلەرمەن رەتتەلگەن.