22:07, 03 - قىركۇيەك 2018 | GMT +5
قازاقستاندىق تەننيسشى ا ق ش- تاعى ءتۋرنيردىڭ ەكىنشى اينالىمىنا ءوتتى
استانا. قازاقپارات - قازاقستاندىق تەننيسشى تيموفەي سكاتوۆ ا ق ش- تا جاسوسپىرىمدەر اراسىندا ءوتىپ جاتقان اشىق چەمپيوناتتىڭ ەكىنشى اينالىمىنا ءوتتى، دەپ حابارلايدى قازاقپارات ق ر تەننيس فەدەراتسياسى سايتىنا سىلتەمە جاساپ.
باستاپقى ماتچتا تيموفەي سكاتوۆ ەكى سەتتە 6:2,6:4 ەسەبىمەن امەريكالىق مارتين دامدى جەڭدى.
US Oрen جاسوسپىرىمدەر جارىسىنىڭ 1/8 فينالىنا شىعۋ ءۇشىن ت. سكاتوۆ دجۋليو زەپپيەري (يتاليا) - حارولد مايوت (فرانسيا) جۇبىنىڭ جەڭىمپازىمەن كۇش سىناسادى.
ايتا كەتەرلىگى، قازاقستاندىق دوستانبەك تاسبولاتوۆ وسى جارىستىڭ ءبىرىنشى اينالىمىندا قارسىلاسىنا ەسە جىبەردى. ول 3:6,5:7 ەسەبىمەن ءتۋرنيردىڭ ەكىنشى راكەتكاسى ارگەنتينالىق سەباستيان باەزدان ۇتىلدى.
