21:26, 03 - قىركۇيەك 2018 | GMT +5
بۋرابايدا بىرنەشە مىڭ ستۋدەنتكە ارنالعان ۋنيۆەرسيتەتتىك قالاشىق سالىنۋى مۇمكىن
استانا. قازاقپارات - بۋرابايدا بىرنەشە مىڭ ستۋدەنتكە ارنالعان ۋنيۆەرسيتەتتىك قالاشىق سالىنۋى مۇمكىن. مۇنداي جاڭالىقپەن اقمولا وبلىسى اكىمىنىڭ ورىنباسارى مارات يعالي فەيسبۋكتەگى پاراقشاسىندا ءبولىستى، دەپ حابارلايدى قازاقپارات ءتىلشىسى.
«بۇگىن سەمەن پاك باستاعان «تۇمارىم» قورىنىڭ وكىلدەرىمەن كەزدەستىم. قور كورەيلىك عالىمدارمەن بىرگە بۋراباي كۋرورتىندا بىرنەشە مىڭ ستۋدەنتكە ارنالعان ۋنيۆەرسيتەتتىك قالالىق قۇرلىسىنىڭ جوباسىن ۇسىندى. ۇسىنىستى زەردەلەيتىن بولامىز. جوبانى ق ر ءبىلىم جانە عىلىم مينيسترلىگىنە كەلىسۋگە جىبەردىك»، - دەپ جازدى مارات يعالي.
اۆتور: مارلان جيەمباي
