سەگىز جاسار اقتوبەلىك كەۋدەنى جەردەن كوتەرۋدەن رەكورد ورناتتى

 اقتوبە. قازاقپارات - اقتوبەلىك وقۋشى مۇسا تۋركۋمبايەۆ كەۋدەنى جەردەن كوتەرىپ، قازاقستان رەكوردىن جاڭارتتى، دەپ حابارلايدى قازاقپارات ءتىلشىسى.

اقتوبەلىك مەكتەپ وقۋشىسى ءوز جانكۇيەرلەرىن تاعى تاڭقالدىردى. 8 جاسار مۇسا تۋركۋمبايەۆ كەۋدەسىن 1013 رەت جەردەن كوتەرىپ، قازاقستان رەكوردىن جاڭارتتى.

«مۇسا كەۋدەسىن 1600 رەت جەردەن كوتەرە الادى. بۇعان دەيىن الماتىلىق 1000 رەت كەۋدەسىن كوتەرىپ، قازاقستان رەكوردىن ورناتقان. ءبىز ءۇشىن سول كورسەتكىشتەن ءسال عانا اسۋ جەتكىلىكتى بولدى. اسا كوپ دايىندىق بولمادى. ءبىر كۇن بۇرىن سىنعا تۇسەتىنىمىزدى ءبىلىپ، سەنىممەن باردىق» ، - دەيدى مۇسانىڭ اكەسى اسحات تۋركۋمبايەۆ.

ايتا كەتەيىك، مۇسا بيىل دزيۋدو كۇرەسىنە قاتىسىپ، ءوزىنىڭ سپورتتاعى جەتىستىكتەرىن جالعاستىرۋدى جوسپارلاپ قويعان. ال گيننەستىڭ رەكوردىن جاڭارتۋ 8 جاسار بالا ءۇشىن وڭاي بولعانىمەن، قۇجاتتارىن تاپسىرۋ قيىنعا سوعىپ تۇر.

 «گيننەس رەكوردىن جاڭارتۋدىڭ قۇجاتى كوپ بولعان سوڭ، ءبىز بارىنەن باس تارتتىق. مۇسا الداعى ۋاقىتتا جاتتىعۋىن جالعاستىرىپ، ءوز باعىتىن ايقىندايدى» ، - دەدى ا. تۋركۋمبايەۆ.

 

اۆتور: التىناي ساعىندىقوۆا