اقتوبەدە باۋىر مەن بۇيرەك اۋىستىرۋ بويىنشا ەلۋىنشى وپەراتسيا جاسالدى
اقتوبەلىك دارىگەرلەر بۇيرەك اۋىستىرۋ وتاسىن وزدەرى جاسايدى. ال باۋىر اۋىستىرۋ كورەيالىق ارىپتەستەرمەن بىرگە جۇرگىزىلەدى.
«2014 -جىلدان باستاپ اقتوبە وبلىسىندا ورگانداردى ترانسپلانتاتسيالاۋ باعدارلاماسى تابىستى ورىندالىپ كەلەدى. كوپ جاعدايدا دونور ناۋقاستىڭ تۋىستارى بولىپ كەلەدى. جاقىندا اقتوبەدە بۇيرەك ترانسپلانتاتسياسىنىڭ كەزەكتى وپەراتسياسى جۇرگىزىلىپ، وندا ناۋقاستىڭ قارىنداسى دونور بولدى. بۇل - اقتوبە جەرىندە جاسالعان ەلۋىنشى وتا. سوڭعى جىلدارى اقتوبە دارىگەرلەرى بۇيرەكتى ترانسپلانتاتسيالاۋ بويىنشا 38 وپەراتسيا، باۋىردى ترانسپلانتاتسيالاۋ بويىنشا 12 وپەراتسيا جاسادى»، - دەپ حابارلادى وبلىس اكىمىنىڭ باسپا ءسوز قىزمەتى.
ايتا كەتەيىك، ەلباسى نۇرسۇلتان نازاربايەۆتىڭ تاپسىرماسى بويىنشا اقتوبەدە مەديتسينالىق كلاستەر قۇرىلدى. مەديتسينالىق كلاستەردىڭ ارنايى جوسپارى دايىندالدى.
اۆتور: التىناي ساعىندىقوۆا
