تۇركى كەڭەسىندە قانداي قۇجاتتار قابىلداندى
تۇركى كەڭەسىنىڭ باس حاتشىسى باعدات امىرەيەۆتىڭ ايتۋىنشا، كەڭەسكە مۇشە مەملەكەت باسشىلارى بىرلەسكەن دەكلاراتسيانى قابىلدادى. اتالعان قۇجاتتا اتقارىلعان جۇمىسقا قورىتىندى جاسالىپ، الداعى ماقسات- مىندەتتەر ايقىندالعان.
«سونىمەن بىرگە، وسىدان ءۇش جىل بۇرىن استانادا وتكەن سوڭعى سامميتتە ەل باسشىلارى تۇركى تىلدەس مەملەكەتتەر ينتەگراتسياسىنىڭ تۇجىرىمداماسىن ازىرلەۋدى ۇسىنعان بولاتىن. سول قۇجات دايىن بولدى. بۇگىن تۇجىرىمداماعا قول قويىلدى. بۇل - وتە ماڭىزدى قۇجات. سەبەبى، تۇركى تىلدەس ەلدەردىڭ ىنتىماقتاستىعىن دامىتۋدى كوزدەيدى»، - دەدى ب. امىرەيەۆ تۇركى كەڭەسىنىڭ VI سامميتىنەن كەيىن جۋرناليستەرگە بەرگەن سۇحباتىندا.
بۇدان بولەك، بۇگىن تۇركى كەڭەسىنىڭ باس حاتشىسى تاعايىندالدى.
ال ماجارستانعا باقىلاۋشى مارتەبەسى بەرىلدى. وزبەكستان بولسا، كەڭەستىڭ مۇشەلىگىنە وتكەن جوق.
كەڭەس مۇشەلەرى قر پرەزيدەنتى نۇرسۇلتان نازاربايەۆتىڭ ۇسىنىسىن دا ماقۇلدادى.
اۆتور: ارمان اسقاروۆ
