عالىمدار: اسپيرين دەنساۋلىققا زيان

استانا. قازاقپارات - عالىمدار اسپيرين جۇرەكتىڭ جۇمىسىن قورعاۋى مۇمكىن دەگەن ميفتى جوققا شىعاردى.

كەرىسىنشە، اسپيرين جۇرەك اۋرۋىنا ۇشىراعان جاندارعا زياندى بولىپ شىقتى، دەپ حابارلايدى «زۆەزدا» تەلەارناسى.

بۇرىن اسپيريننىڭ كۇندەلىكتى ازداعان دوزاسى ينفارك جانە ينسۋلت قاۋپىن تومەندەتۋى مۇمكىن دەپ ەسەپتەلەتىن.

وكسفورد ۋنيۆەرسيتەتىنىڭ ءبىر توپ عالىمدارى جۇرگىزگەن زەرتتەۋدىڭ ناتيجەلەرىنە سايكەس اسپيرين جۇرەكتى ءتۇرلى پروبلەمالاردان قورعاماق تۇگىلى، قان كەتۋىن تۋدىرۋعا سەبەپشى بولۋى مۇمكىن ەكەندىگى انىقتالىپ وتىر.

12 مىڭ ادام قاتىسقان زەرتتەۋ جۇمىستارى 10 جىل بويى جۇرگىزىلگەن. عالىمدار قاتىسۋشىلاردىڭ ءبىر توبىنا كۇنىنە 100 م گ اسپيرين بەرگەن، ال ەكىنشى توپتاعىلار جاي عانا ءدارى الىپ وتىرعان.

ناتيجەسىندە، كۇن سايىن اسپيرين قابىلداعان توپتاعى ادامداردىڭ مۇرنىنان، ىشەكتەرىنەن جانە اسقازاندارىنان قان كەتۋ فاكتىلەرى ءجيى بايقالعان.