11:23, 03 - قىركۇيەك 2018 | GMT +5
دانيار ەلەۋسىنوۆتىڭ كاسىپقوي رينگتەگى جەتىستىكتەرى قانداي بولۋى مۇمكىن
استانا. قازاقپارات - The Boxing Tribune باسىلىمىنىڭ جۋرناليسى دەنني حوۆارد ريو وليمپياداسىنىڭ چەمپيونى دانيار ەلەۋسىنوۆتىڭ كاسىپقوي رينگتە جەتۋى مۇمكىن جەتىستىكتەرىنە قاتىستى پىكىر ءبىلدىردى، دەپ حابارلايدى Sports.kz.
«دانيار ەلەۋسىنوۆ كاسىپقوي رينگتە قانشالىقتى بيىككە كوتەرىلەتىنىن كورۋ بارىمىزگە دە قىزىقتى بولماق. وعان ەددي حيرن قولعابىس ەتەدى، ءوزى دە وليمپيادا چەمپيونى ەكەنى بەلگىلى. الايدا كاسىپقوي رينگتە ءۇش قانا جەكپە-جەك وتكىزدى، سوندىقتان بوكسشىنىڭ الداعى جەتىستىكتەرىن ازىرگە بولجاپ ايتۋ قيىن»، - دەدى د. حوۆارد.
