09:02, 03 - قىركۇيەك 2018 | GMT +5
گولوۆكين «كانەلومەن» ءبىرىنشى كەزدەسۋىندە ناقتى ەسەپ قانداي بولعانىن ءمالىم ەتتى
استانا. قازاقپارات - WBA Super، WBC جانە IBO نۇسقالارى بويىنشا ورتا سالماق دارەجەسىندەگى الەم چەمپيونى قازاقستاندىق گەننادي گولوۆكين مەكسيكالىق بىلعارى قولعاپ شەبەرى ساۋل الۆارەسپەن بولعان ءبىرىنشى كەزدەسۋىنەن كەيىنگى العان اسەرىن ەسكە الىپ، وقىرمانمەن ءبولىستى، دەپ حابارلايدى قازاقپارات Sports.kz سايتىنا سىلتەمە جاساپ.
«ءسوز جوق، مەن جەڭىسكە جەتكەنىمە سەندىم، سوندىقتان دا كەزدەسۋ اياقتالعاندا قولىمدى كوتەردىم. ءوزىم جەڭىسكە جەتۋ ءۇشىن وعان قاراعاندا كوبىرەك تەر توككەنىمدى سەزدىم. وعان ارى كەتسە ءۇش نەمەسە ءتورت راۋندا جەڭىس بەرۋى ءتيىس بولاتىن. ال ەندى ەلۋ دە ەلۋ دەگەنى نەسى، التى راۋندتا التى راۋند (جەڭگەن راۋندار سانى - رەد) دەگەن ەسەپ كوڭىلگە قونبايدى. ول ءوزىنىڭ جەڭىلگەنىن جاقسى بىلەدى»، - دەدى گولوۆكين.
ەسكە سالا كەتەيىك، وتكەن جىلى قىركۇيەكتە لاس- ۆەگاستا وتكەن گولوۆكين مەن الۆارەستىڭ ءبىرىنشى جەكپە-جەگى داۋلى جاعدايدا تەڭ اياقتالعان بولاتىن. قارىمتا كەزدەسۋ الداعى 15- قىركۇيەك كۇنى وتەدى.
