كەلەسى دۇنيەجۇزىلىك كوشپەندىلەر ويىندارى تۇركيادا وتەتىن بولادى
كوشپەندىلەر ويىندارى قىرعىزستاندا وسىمەن ءۇشىنشى مارتە وتۋدە. ويىن باعدارلاماسى قاتىسۋشىلاردى كوشپەندىلەردىڭ ەجەلگى مادەنيەتىمەن ارنايى تانىستىرۋ ءۇشىن ۇيىمداستىرىلعان. الايدا كەلەسى 2020 -جىلعى ويىنداردى وتكىزۋ قۇقىعى تۇركياعا بەرىلدى. بۇل جونىندە تۇركيانىڭ پرەزيدەنتى رەجەپ تاييپ ەردوعانمەن كەزدەسۋ بارىسىندا قىرعىزستان پرەزيدەنتى سوورونباي جەەنبەكوۆ ءمالىم ەتتى.
«2020 -جىلى كوشپەندىلەر ويىندا تۇركيادا وتەتىن بولادى»، - دەدى س. جەەنبەكوۆ.
سپورتتىق جارىستارعا 60 ەلدەن 2000-عا جۋىق سپورتشىلار، مىڭداعان تۋريستەر مەن شەتەلدىك قوناقتار كەلدى. ءىس-شاراعا 50 ەلدەن 500 شەتەلدىك جۋرناليست تاعايىندالدى.
قازاقستان قۇراماسى، ءوز كەزەگىندە، 129 سپورتشىنى تانىستىردى. ولار 37 ۇلتتىق سپورت تۇرىنەن سىنعا تۇسەدى. ونىڭ 13 ى - ءارتۇرلى حالىقتاردىڭ ۇلتتىق كۇرەس تۇرلەرى.
الداعى سايىستار قىرشىن شاتقالىندا وتەتىن بولادى. اۋماقتا مىڭداعان كيىز ۇيلەر تىگىلىپ، ەتنوقالاشىق تۇرعىزىلادى.
سونداي-اق، بۇل جەردە العاشقى حالىقارالىق «كوشپەندىلەردىڭ دۇنيەجۇزىلىك تاعامدارى» فەستيۆالى وتەدى دەپ جوسپارلانعان. شاراعا قاتىسۋ ءۇشىن ازەربايجان، قازاقستان، قىرعىزستان، موڭعوليا، رەسەي، رۋمىنيا، ساۋد ارابياسى، تۇركيا، وزبەكستان، وڭتۇستىك كورەيا سىندى 10 ەلدىڭ تانىمال اسپازدارى شاقىرىلدى.
