ازيا ويىندارىندا قازاقستاندىق ەكى بوكسشى ەكىنشى ورىندى قاناعات تۇتتى

استانا. قازاقپارات - بۇگىن دجاكارتادا بوكستان فينالدىق باسەكەلەر ءوتىپ جاتىر.

69 كەلىدە جۇدىرىقتاسقان اسلانبەك شىمبەرگەنوۆ كۇمىس جۇلدەگەر اتاندى، دەپ حابارلايدى قازاقپارات Olympic.kz-كە سىلتەمە جاساپ.

فينالدا شىمبەرگەنوۆ وزبەكستاندىق بوبو ۋسمان باتىروۆپەن كەزدەسكەن بولاتىن.

تورەشىلەر جەكپە-جەك قورىتىندىسى بويىنشا جەڭىستى وزبەك بوكسشىسىنا بەردى. ەسەپ: 1-3.

جاكارتاداعى بوكس باسەكەسى اياقتالدى. ەڭ سوڭعى بولىپ شارشى الاڭعا شىققان ءابىلحان امانقۇل فينالدا جەڭىلىس تاپتى، دەپ حابارلايدى قازاقپارات Olympic.kz-كە سىلتەمە جاساپ.

اقتىق سىندا وزبەكستاندىق يسرايل مادريموۆپەن جۇدىرىقتاسقان جەرلەسىمىز 2:3 ەسەبىمەن قارسىلاسىنا جول بەردى.

ءابىلحان 75 كەلى سالماق دارەجەسىندە سىنعا تۇسكەن بولاتىن.

ەسكە سالا كەتەيىك، 69 كەلىدە سىنعا تۇسكەن اسلانبەك شىمبەرگەنوۆ تە ازيادانىڭ كۇمىس جۇلدەگەر اتاندى.