14:15, 01 - قىركۇيەك 2018 | GMT +5
پرەزيدەنت قازاقستانداعى تۋريزمنىڭ مۇمكىندىكتەرىنە باعا بەردى
استانا. قازاقپارات - بيىل ۇكىمەت بيزنەس ورتانى، سونىڭ ىشىندە تۋريزمدى ارى قاراي دامىتۋ ءۇشىن زاڭنامالىق وزگەرىستەردىڭ پاكەتىن ەنگىزەدى.
بۇل تۋرالى ق ر پارلامەنتى پالاتالارىنىڭ بىرلەسكەن وتىرىسىندا ەلباسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات.
«ۇكىمەتكە ءتۋريزمدى دامىتۋدىڭ 2023 -جىلعان دەيىنگى مەملەكەتتىك باعدارلاماسىن ازىرلەۋ تاپسىرىلدى. بيىل قازاقستاندا تۋريزم مۇمكىندىگى جوعارى بىرنەشە ورىنداردى ارالاپ كەلدىم. بۇل جەرلەردىڭ الەۋەتى جوعارى، الايدا جۇمىس ىستەۋ كەرەك، اسىرەسە، تۋريزم ينفراقۇرىلىمىنا قارجى مەن كۇش- جىگەردى سالۋ قاجەت. بيزنەس بۇل سالعا بارۋعا ءازىر. وسى باعدارلامانى سوڭىنا دەيىن جەتكىزۋ كەرەك»، - دەپ تاپسىردى مەملەكەت باسشىسى.
پرەزيدەنت باعدارلاما قارجىلىق تۇرعىدا قاجەتتى زاڭنامالىق بازامەن نەگىزدەلۋى تيىستىگىن، سونداي-اق تۋريستىك قىزمەت ماسەلەلەرى جونىندەگى زاڭناماعا وزگەرىستەردى بيىلدىڭ سوڭىنا دەيىن قاراستىرۋ قاجەتتىگىن اتاپ ءوتتى.
