ق ر پرەزيدەنتىنىڭ تەلەراديوكەشەنى ارال تەڭىزى تۋرالى دەرەكتى فيلم ءتۇسىردى

استانا. قازاقپارات - ق ر پرەزيدەنتىنىڭ تەلەراديوكەشەنى ارال تەڭىزى تۋرالى دەرەكتى فيلم ءتۇسىردى، دەپ حابارلايدى قازاقپارات.

ق ر پرەزيدەنتىنىڭ تەلەراديوكەشەنى فەيسبۋكتە جازعانداي، «حابار» ارناسىندا كورسەتىلگەن وسى فيلمدە ەكولوگيالىق پروبلەما ەگجەي-تەگجەيلى قوزعالعان. سونداي-اق ارال تەڭىزىن قۇتقارۋ جولدارى تۋرالى جانە دە حالىقارالىق ارالدى قۇتقارۋ قورى قۇرىلتايشىلارىنىڭ تۇرىكمەنستاندا وتكەن 12-سامميتىنىڭ كومميۋنيكەسىندە بەكىتىلگەن ۇسىنىستار تۋرالى كەڭىنەن ايتىلعان.

بۇدان بۇرىن حابارلانعانداي، 24 -تامىزدا تۇرىكمەنستاندا حالىقارالىق ارالدى قۇتقارۋ قورى قۇرىلتايشىلارىنىڭ 12 سى سامميتى وتكەن بولاتىن. وندا بۇكىل ورتالىق ازيا ەلدەرىنىڭ باسشىلارى جينالعان بولاتىن. ەلباسى نۇرسۇلتان نازاربايەۆ تا وسى شاراعا قاتىستى.

كەلىسسوزدەردىڭ ەڭ باستى تاقىرىپتارىنىڭ ءبىرى - ارال پروبلەماسىن ب ۇ ۇ جۇمىسىنىڭ جەكە باعىتى رەتىندە ءبولىپ شىعارۋ ەكەندىگىن اتاپ وتكەن ءجون.