عالىمدار قورقىنىشتى ءتۇستى «ءوشىرىپ تاستاۋدىڭ» جولىن تاپتى

  استانا. قازاقپارات - توكيو ۋنيۆەرسيتەتىنىڭ عالىمدارى تىشقانداردا تەز ۇيقىعا شومۋعا جاۋاپ بەرەتىن گەندەردى «ءوشىرىپ تاستادى».

 عالىمداردىڭ اشقان جاڭالىعى بويىنشا ادام قاتتى شارشاعان كەزدە اعزاسى« ءوشىپ قالعانداي» كۇيگە ەنىپ، ۇيقىدا جاتقاندا قانداي دا ءبىر فيزيولوگيالىق كەدەرگىلەرسىز جاقسى دەمالىپ، تىنىعىپ تۇرادى، دەپ جازادى Daily Mail. دەمەك، ەندى كەز كەلگەن ءتىرى اعزا تىپ- تىنىش ۇيقىدا جاتا الادى -  ءتىپتى ەشقانداي ءتۇس، ونىڭ ىشىندە قورقىنىشتى تۇستەر كورىپ، مازاسى كەتپەيدى.

عالىمدار تىشقانداردىڭ Chrm 1 جانە 3 گەندەرىن الىپ تاستاپ، تەز ۇيقى فازاسىن ۋاقىتشا ءوشىرىپ تاستاۋ مۇمكىندىگىنە يە بولدى. كەي تەوريا بويىنشا بۇل فازا ادامنىڭ دەنساۋلىعىنا زيان كەلتىرۋى مۇمكىن. بۇل گەندەردى الىپ تاستاۋ ناتيجەسىندە مي مەن بۇكىل اعزانىڭ تولىققاندى تىنىعۋى ءۇشىن تەز ۇيقى فازاسى كەرەك ەمەس دەگەن پايىمداۋلار تۋىندايدى. عالىمداردىڭ تەورياسى راستالىپ، تىشقاندار بۇل گەندەرسىز تىرشىلىك ەتە الاتىن بولسا، پسيحولوگيالىق دەرتتەردى ەمدەۋدىڭ جاڭا ءادىسى انىقتالۋى مۇمكىن.

 دەرەككوز: sputniknews.kz