ايگىلى جاپون پروديۋسەرى الماتىدا «بارىمتاشىلار» اتتى فيلم تۇسىرەدى

 استانا. قازاقپارات - قازاقستان- جاپون بىرىگىپ تۇسىرەتىن «بارىمتاشىلار» كوركەم ءفيلمىنىڭ ءتۇسىرىلىم جۇمىسىنىڭ باستالۋىنا وراي ايگىلى جاپون كينوپروديۋسەرى سادزو يتياما الماتىعا ۇشىپ كەلدى، دەپ حابارلايدى قازاقپارات ءتىلشىسى.

ايتا كەتسەك، «بارىمتاشىلار» فيلمىن قازاقستاندىق رەجيسسەر ەرلان نۇرمۇحامبەتوۆ پەن جاپون رەجيسسەرى ليسا تاكەبا بىرلەسىپ تۇسىرمەك. فيلمنىڭ ءتۇسىرىلىم جۇمىستارى الماتى وبلىسىندا 1 - قىركۇيەك كۇنى باستالادى.

«سەدزو يچياما - «Tokyo Filmex» ازيالىق كينوفەستيۆالىنىڭ نەگىزىن قالاۋشىلاردىڭ ءبىرى. ونىڭ پرويۋسەرلىگىمەن تاكەشي كيتانو، تسزيا دجانگكە، حوۋ سياوسياننىڭ كينولارى تۇسىرىلگەن. سەدزو جيىرماعا تارتا ايگىلى فيلمدەردىڭ پروديۋسەرى. ول كينوكارتينالاردىڭ كوبى كانن، ۆەنەتسيا جانە بەرلين كينوفەستيۆالدەرىنە قاتىسقان» ، - دەيدى جوبانىڭ باس مەنەدجەرى قارلىعا سەيسەنوۆا.

 فيلمدە 71- كانن كينوفەستيۆالىنىڭ جۇلدەگەرى سامال ەسلياموۆا، تەاتر جانە كينو اكتەرى دۋلىعا اقمولدا مەن جاپون اكتەرى ميراي مورياما تۇسەدى.