جاقىندا بۋرابايدا «مەن چەمپيون» تەلەجوباسى تۇسىرىلمەك

 كوكشەتاۋ. قازاقپارات - اعىمداعى جىلدىڭ قازان- قاراشا ايلارىندا بۋرابايدا «كوڭىلدى ستارت» باعدارلاماسىنىڭ بالاماسى «مەن چەمپيون» تەليەۆيزيالىق جوباسىن جۇزەگە اسىرۋ كوزدەلىپ وتىر. بۇل تۋرالى اقمولا وبلىسى اكىمىنىڭ ورىنباسارى مارات يعالي الەۋمەتتىك جەلى ارقىلى ءوز جوسپارىمەن ءبولىستى، دەپ حابارلايدى قازاقپارات ءتىلشىسى.

اقمولا وبلىسىنىڭ اكىمى ورىنباسارىنىڭ سوزىنشە، بۇل قازاقستانداعى ءتۇرلى قاشىقتىقتا بالالار كوماندالارى جارىساتىن سپورتتىق ويىن بولماق.

«ەستەرىڭىزدە بولسا، جەڭىسكە دەگەن جىگەر تانىتقان «ارقان تارتىپ جاتقان ورالدىق بالا» ۆيدەوسيۋجەتىن ميلليونعا جۋىق ادام كورگەن ەدى. وسى بالا جارىسقا قاتىساتىن بولادى. ەندى «مەن چەمپيون» تەليەۆيزيالىق جوباسى اقمولا وبلىسىندا تۇسىرىلەتىن بولادى.

قازاقستان جانە كورشى ەلدەردەگى بالالار كوماندالارىن وسى جارىسقا قاتىسۋعا شاقىرامىن»، دەپ جازدى م. يعالي فەيسبۋك پاراقشاسىندا.