ەۋروپا ليگاسى: توپتىق كەزەڭدە سىنعا تۇسەتىن كوماندالار تولىق انىقتالدى

استانا. قازاقپارات - بيىل فۋتبولدان ەۋروپا ليگاسى توپتىق كەزەڭىندە سىنعا تۇسەتىن كوماندالار قۇرامى تولىق انىقتالدى، دەپ حابارلايدى قازاقپارات ءتىلشىسى.

اتالمىش دوپ دوداسىنىڭ توپتىق كەزەڭىنە 17 كوماندا بىردەن جولداما الدى. ال 21 كوماندا ەۋروپا ليگاسى ىرىكتەۋ كەزەڭدەرى ارقىلى قوسىلدى. سونداي- اق، چەمپيوندار ليگاسى پلەي- و ف ف كەزەڭىندە جەڭىلىپ قالعان 6 كوماندا دا ولاردىڭ قاتارىن تولىقتىردى. وعان قوسا چەمپيوندار ليگاسىنىڭ ليگا وكىلدەرى جولى نەگىزىندە ءۇشىنشى ىرىكتەۋ كەزەڭىندە جەڭىلگەن كوماندالار دا ەندى ەۋروپا ليگاسىندا باق سىناۋعا مۇمكىندىك الدى. جالپى العاندا، ەۋروپا ليگاسىندا بارلىعى 48 كوماندا ۋەفا رەيتينگىندەگى ورىندارىنا بايلانىستى 4 سەبەتكە بولىنگەن. ەۋروپا ليگاسى پلەي- و ف ف كەزەڭىندە كيپردىڭ اپوەل كومانداسىن سۇرىندىرگەن «استانا» ەكىنشى سەبەتتە ورنالاسقان.

ءبىرىنشى سەبەت: «سيەۆيليا» (يسپانيا) ، «ارسەنال» (لوندون، انگليا) ، «چەلسي» (انگليا) ، «زەنيت» (رەسەي) ، «بايەر» (گەرمانيا) ، «دينامو» (كييەۆ، ۋكراينا) ، «بەشيكتاش» (تۇركيا) ، «رەد بۋلل زالتسبۋرگ» (اۋستريا) ، «وليمپياكوس» (گرەكيا) ، «ۆيلياررەال» (يسپانيا) ، «اندەرلەحت» (بەلگيا) ، «لاتسيو» (يتاليا) .

ەكىنشى سەبەت: «سپورتينگ» (ليسسابون، پورتۋگاليا) ، «لۋدوگورەتس» (بولگاريا) ، «كوپەنگاگەن» (دانيا) ، «مارسەل» (فرانسيا) ، «سەلتيك» (شوتلانديا) ، پاوك (گرەكيا) ، «ميلان» (يتاليا) ، «گەنك» (بەلگيا) ، «فەنەرباحچە» (تۋرتسيا) ، «كراسنودار» (رەسەي) ، «استانا» (قازاقستان) ، «راپيد» (اۋستريا) .

ءۇشىنشى سەبەت: «بەتيس» (يسپانيا) ، باتە (بەلارۋس) ، «كاراباح» (ازەربايجان) ، «دينامو» (زاگرەب، حورۆاتيا) ، «رب لەيپتسيگ» (گەرمانيا) ، «فرانكفۋرت» (گەرمانيا) ، «مالم» (شۆەتسيا) ، «سپارتاك» (رەسەي) ، «ستاندارد» (بەلگيا) ، «سيۋريح» (شۆەيتساريا) ، «بوردو» (فرانسيا) ، «رەنن» (فرانتسيا) .

ءتورتىنشى سەبەت: «اپوللون» (كيپر) ، «رۋسەنبورگ» (نورۆەگيا) ، «ۆورسكلا» (ۋكراينا) ، «سلاۆيا» (پراگا، چەحيا) ، «اكحيسار بەلەديەسپور» (تۇركيا) ، «يابلونەتس» (چەحيا) ، اەك (لارناكا، كيپر) ، «ۆيدي» (ماجارستان) ، «رەيندجەرس» (شوتلانديا) ، «ديۋدەلانج» (ليۋكسەمبۋرگ) ، «سپارتاك» (ترناۆا، سلوۆاكيا) ، «سارپسبورگ 08» (نورۆەگيا) .

جەرەبە تارتۋ ءراسىمى استانا ۋاقىتىمەن 17.00 دە باستالادى. بۇل ءراسىم شۆەيتساريانىڭ نون قالاسىندا وتەدى.

 

ەستەرىڭىزگە سالا كەتەلىك، كەشە «استانا» ەۋروپا ليگاسى پلەي- و ف ف كەزەڭىندە كيپردىڭ اپوەل كومانداسىن جەڭدى. وسىلايشا ەۋروپا ليگاسى توپتىق كەزەڭىنە ءۇشىنشى جىل قاتارىنان باق سىناۋعا مۇمكىندىك الدى.