پۋتين زەينەتاقى رەفورماسى جەڭىلدەيتىنىن مالىمدەدى

استانا. قازاقپارات - رەسەي پرەزيدەنتى ۆلاديمير پۋتين زەينەتاقى جۇيەسىنە قاتىستى رەفورمانىڭ جەڭىلدەيتىنى تۋرالى مالىمدەدى. اتاپ ايتقاندا ايەلدەر ءۇشىن زەينەتكە شىعۋ جاسى بۇرىن كوزدەلگەندەي 63-كە دەيىن ەمەس، 60 جاسقا دەيىن تومەندەتىلەتىن بولدى.

 كوپبالالى انالاردىڭ مەرزىمىنەن ەرتە زەينەتكە شىعۋى دا قاراستىرىلعان. سونداي- اق رەسەي پرەزيدەنتى زەينەتكە شىعۋ الدىنداعى 5 جىلدىق مەرزىم ۇعىمىن ەنگىزۋدى ۇسىنىپ وتىر. كاسىپورىندار باسشىلارى وسى جاستاعى قىزمەتكەرلەرىن جۇمىستان شىعارعانى جانە جاسىنا بايلانىستى جۇمىسقا الماعانى ءۇشىن اكىمشىلىك، ءتىپتى قىلمىستىق جازاعا تارىلادى.

ۆلاديمير پۋتين، ر ف پرەزيدەنتى:

 - ەلىمىزدە ايەلدەرگە ەرەكشە ۇقىپتى كوزقاراس قالىپتاسقان. نەگىزگى جۇمىس ورنىمەن قاتار تالاي ەڭبەك اتقارىپ جۇرگەنىن تۇسىنەمىز. بۇكىل ءۇي شارۋاشىلىعىن جۇرگىزىپ، جانۇياسىنا قامقور ەتەدى، بالالاردى تاربيەلەپ، نەمەرەلەرىن كۇتەدى. ايەلدەردىڭ زەينەتكە شىعۋ جاسى ەر ادامداردان وسپەۋى كەرەك. سوندىقتان زەينەتكە شىعۋ جاسىن زاڭ جوباسى ۇسىنعانداي، 8 جىلدان 5 جىلعا دەيىن ازايتۋدى ۇسىنامىن.

www.24.kz