00:09, 31 - تامىز 2018 | GMT +5
عالىمدار از ۇيىقتاۋدىڭ قاۋىپ- قاتەرى تۋرالى ايتتى
استانا. قازاقپارات - مامانداردىڭ ايتۋىنشا، تەك از ۇيىقتاۋ ەمەس كوپ ۇيىقتاۋ دا ادام اعزاسىنا قاتەر توندىرەدى. گرەكيا جانە يسپانيا عالىمدارى تاۋلىگىنە 6-8 ساعات ۇيىقتاۋ جۇرەك- قانتامىر اۋرۋلارىنىڭ الدىن الىپ، ادام ءومىرىن ۇزارتادى، دەپ حابارلايدى Life.ru.
ماماندار سوڭعى بەس جىلدا جاسالعان 11 زەرتتەۋدەن الىنعان مالىمەتتەردى تالدادى. بۇدان باسقا ولار ميلليوننان استام ادامدى التى ساعاتتان كەم ۇيىقتايتىن، سەگىز ساعاتتان كوپ ۇيىقتايتىن جانە 6-8 ساعات ۇيىقتايتىن دەپ ءۇش كاتەگورياعا ءبولىپ زەرتتەۋ جۇرگىزگەن. سەگىز ساعاتتان از ۇيىقتايتىن ادامداردا جۇرەكتىڭ يشەميالىق اۋرۋى مەن ينسۋلت قاۋپى جوعارى بولعان. سونىمەن قاتار عالىمدار 3974 ەرىكتى قاتىسقان ساراپتاما جۇرگىزگەن. ولار ۇيقى ساپاسىن باقىلايتىن قۇرىلعىمەن جۇرگەن. بەلگىلى بولعانداي، تاۋلىگىنە التى ساعاتتان از ۇيىقتايتىنداردا اتەروسكلەروز، ارتىق سالماق پەن قانت ديابەتى قاۋپى كوبەيگەن.
www.24.kz
